الەكسەي سوي «سپۋتنيك-ۆ» ۆاكسيناسىنىڭ رەۆاكسيناتسياعا قولدانىلماۋ سەبەبىن اتادى

نۇر-سۇلتان. قازاقپارات - ق ر دەنساۋلىق ساقتاۋ ءمينيسترى الەكسەي سوي «سپۋتنيك-ۆ» ۆاكسيناسىنىڭ رەۆاكسيناتسياعا قولدانىلماۋ سەبەبىن اتادى، دەپ حابارلايدى قازاقپارات ءتىلشىسى.

«سپۋتنيك» ۆاكسيناسىن سالۋعا بولمايدى. وندا ەكى ءتۇرلى كومپونەنت. كومپونەنتتەرى بىردەي ۆاكسينالار عانا ەگىلەدى. «سپۋتنيك-ۆ» ۆاكسيناسىنىڭ ءبىرىنشى جانە ەكىنشى كومپونەنتتەرى ءارتۇرلى. سوعان بايلانىستى قازاقستاندا رەۆاكسيناتسيا كەزىندە ءبىرىنشى جانە ەكىنشى كومپونەنتتەرى بىردەي ۆاكسينالار قولدانىلادى»، - دەدى الەكسەي سوي ۇكىمەت وتىرىسىنان كەيىن ب ا ق وكىلدەرىنە بەرگەن سۇحباتىندا.

جالپى، مينيستر دەرەگىنشە، QazVac، «سپۋتنيك-ۆ» سىندى ۆاكسينالاردىڭ 1-كومپونەنتىمەن ەلىمىزدە 8,8 ميلليوننان استام، ەكىنشى كومپونەنتىمەن 8,3 ميلليوننان استام ادام ەگىلدى. سونىمەن قاتار 136 مىڭ ادام رەۆاكسيناتسيا الدى، 188 مىڭ ادام Pfizer ۆاكسيناسىن سالدىردى.

اۆتور: مارلان جيەمباي