كوروناۆيرۋس جۇققاندا جارقىرايتىن ماسكا جاسالدى
عالىمداردىڭ ايتۋىنشا، تۇيەقۇستار اعزاداعى بوگدە زاتتاردى بەيتاراپتاندىراتىن بىرنەشە ءتۇرلى انتيدەنە شىعارۋعا قابىلەتتى ەكەنى انىقتالعان. سوندىقتان عالىمدار بىلتىر اقپاندا قۇسقا كوروناۆيرۋستىڭ بەلسەندى ەمەس جانە ءقاۋىپسىز ءتۇرىن ەنگىزىپ، تۇيەقۇس جۇمىرتقالارىنان انتيدەنەلەر العان. سودان كەيىن انتيدەنەلەر فلۋورەستسەنتتى بوياعىشقا قوسىلىپ، ماسكا سۇزگىسىنە وڭدەلگەن. ەگەر ماسكاعا ۆيرۋس تۇسسە، ول جارقىرايدى.
«ءبىز تۇيەقۇس انتيدەنەلەرىن ارزان باعاعا الىپ، جاپپاي ماسكا شىعارا الامىز. بولاشاقتا بارلىق ادام قولدانا الاتىن قاراپايىم سىناق جيىنتىعىن جاساعىم كەلەدى»، - دەدى ۋنيۆەرسيتەت پرەزيدەنتى ياسۋحيرو تسۋكاموتو.
سۋكاموتو وسى ماسكا كومەگىمەن ءوزى COVID-19 جۇقتىرعانىن انىقتاعان. تەستىلەۋ كەزىندە ونىڭ قورعانىس ماسكاسى ۋلتراكۇلگىن ساۋلەدە جارقىراعان ەكەن، سودان كەيىن ول پت ر- سىناماسىن تاپسىرعان. تەست ۆيرۋس جۇقتىرعانىن راستاعان.
Tengrinews.kz
