جىل باسىنان بەرى قانشا ەتنيكالىق قازاق قانداس مارتەبەسىن الدى
2021 -جىلعى 1-جەلتوقسانداعى جاعداي بويىنشا 17358 ادام تاريحي وتانىمەن تابىسىپ، قانداس مارتەبەسىن الدى. جالپى 1991 -جىلدان بەرى رەسپۋبليكاعا 1 ميلليون 87,7 مىڭ ەتنيكالىق قازاق ورالدى.
بيىلعى جىلدىڭ باسىنان قازاقستانعا كەلگەن قانداستاردىڭ جارتىسىنان كوبى %76,2 وزبەكستاننان، %9,7 - قىتايدان، %6 - تۇرىكمەنستاننان، %2,5 - موڭعوليادان جانە %5,7 باسقا ەلدەردەن. كەلگەن ەتنيكالىق قازاقتار نەگىزىنەن الماتى %28,3، تۇركىستان %13,4، ماڭعىستاۋ %19,1 جانە جامبىل %7,8 وبلىستارىنا، سونداي- اق شىمكەنت %10,5 قالاسىنا قونىستاندى.
1-جەلتوقسانداعى جاعداي بويىنشا ەڭبەككە قابىلەتتى جاستاعى ەتنيكالىق قونىس اۋدارۋشىلار سانى -% 55,2، ەڭبەككە قابىلەتتى جاستان كىشى -% 28,1 جانە زەينەتكەرلەر -% 16,8 قۇرايدى. ەڭبەككە قابىلەتتى جاستاعى قانداستاردىڭ ىشىنەن ءبىلىم دەڭگەيى بويىنشا %11,1 جوعارى ءبىلىمدى، %40,2 ورتا كاسىبي ءبىلىمدى، %45,5 جالپى ورتا ءبىلىمدى جانە %3,1 ءبىلىمى جوق.
