قازاقستاندا جاڭاجىلدىق كورپوراتيۆ وتكىزۋگە رۇقسات بار ما - مينيستر جاۋابى
نۇر-سۇلتان. قازاقپارات - ەلىمىزدە جاڭا جىل قارساڭىندا مەرەكەلىك كەش-ساۋىق وتكىزۋگە رۇقسات بار ما؟
ۇكىمەت ۇيىندە تىلشىلەردىڭ بۇل سۇراعىنا ق ر دەنساۋلىق ساقتاۋ ءمينيسترى الەكسەي سوي جاۋاپ بەردى، دەپ حابارلايدى قازاقپارات ءتىلشىسى.
«الدىمەن ءار وڭىردەگى ەپيدەميولوگيالىق جاعدايعا بايلانىستى تالاپ ەنگىزىلەدى، ياعني قوعامدىق جانە تاماقتانۋ ورىندارى مەن كونسەرت زالدارعا قانشا ادامنىڭ كىرۋگە بولاتىندىعى تۋرالى. ونى سول ءوڭىردىڭ مەملەكەتتىك باس سانيتار دارىگەرى انىقتايدى. رۇقسات بەرىلگەن جاعدايدا كوپشىلىك باراتىن قوعامدىق ورىننىڭ نەشە ادامعا ارنالعانى ەسكەرىلۋى ءتيىس. سونىمەن قاتار ءوڭىردىڭ قاي ايماقتا ورنالاسىپ تۇراعانى دا ماڭىزدى. كوروناۆيرۋستىڭ تاراۋى بويىنشا «جاسىل»، «سارى» نەمەسە «قىزىل» ايماق بار»، - دەدى ا. سوي جاۋاپ بەرە تۇرا.
سونداي-اق، مينيستر ءار وبلىستىڭ مەملەكەتتىك باس سانيتار دارىگەرى سول وڭىردەگى ەپيدجاعدايعا بايلانىستى جەكە شەشىم قابىلداي الاتىنىن جەتكىزدى.
اۆتور: ءالي يبرايەۆ
