نۇر-سۇلتاندا جەمقورلىق قىلمىستارى قاي سالادا ءجيى تىركەلەدى

«تاجىريبەگە سۇيەنسەك، ءبىز ءالى دە بولسا كەيبىر مەملەكەتتىك ورگانداردىڭ قىزمەتىنەن جاعىمسىز تەندەنسيالاردىڭ اجىراماعانىن كورىپ وتىرمىز. جىل باسىنان بەرى ءبىزدىڭ دەپارتامەنتتە 95 قىلمىس تىركەلدى. ونىڭ ۇشەۋى اسا اۋىر، 48 ى اۋىر قىلمىس ساناتىنا جاتادى. جالپى 95 قىلمىستىڭ 65 ى جەمقورلىق سيپاتتا بولعان. ونىڭ نەگىزگى بولىگى پاراقورلىق فاكتىلەرى بويىنشا تىركەلگەن - 53 فاكتى. قاراجات جىمقىرۋ بويىنشا 17 قىلمىس ەسەپكە الىندى»، - دەدى ول Astana Adaldyq Alańy جوبالىق كەڭسەسىندە وتكەن ونلاين بريفينگىدە.

ونىڭ ايتۋىنا قاراعاندا، جەمقورلىق قىلمىسى ءۇشىن سوتتالعانداردىڭ ىشىندە رەسپۋبليكالىق دەڭگەيدەگى 3 شەنەۋنىك بولعان.

«بۇل ساندى سالالارعا جىكتەسەك، ەڭ كوپ قىلمىس قۇقىق قورعاۋ بلوگىنا تيەسىلى. بۇل سالادا 28 فاكتى انىقتالدى. دەنساۋلىق ساقتاۋ سالاسىندا - 10، قۇرىلىس سالاسىندا - 6، ەنەرگەتيكا سالاسىندا - 8، ءبىلىم بەرۋدە - 3 قىلمىس تىركەلدى. سالىق جانە مادەنيەت سالاسىندا دا وسىنداي تەندەنتسيا بايقالىپ وتىر. جالپى قىلمىستىق جاۋاپقا 47 تۇلعا تارتىلدى. ونىڭ ىشىندە رەسپۋبليكالىق ماڭىزداعى 3، قالا دەڭگەيىندەگى 2 لاۋازىمدى تۇلعا بار. قالا دەڭگەيىندەگى 30 ادامعا باس بوستاندىعىنان ايىرۋ، ايىپپۇل سياقتى ءتۇرلى جازالار تاعايىندالدى. ونىڭ اراسىندا 20 ادام سىبايلاس جەمقورلىق قىلمىس جاساعانى ءۇشىن سوتتالدى»، - دەدى دەپارتامەنت باسشىسى.

اۆتور: ەسىمجان ناقتىباي