تاليبان باسقا ەلدەردەن ءوز ۇكىمەتىن مويىنداۋىن تالاپ ەتتى

نۇر- سۇلتان. قازاقپارات - «تاليبان» ءوز ۇكىمەتىن ا ق ش پەن باسقا ەلدەردىڭ مويىنداۋىن تالاپ ەتتى.

تالىپتەر «ەگەر بۇل شارت ورىندالماسا جانە اۋعانستان اكتيۆتەرى بۇعاتتان بوساتىلماسا، مۇنىڭ سوڭى الەم ءۇشىن ۇلكەن ماسەلەلەرگە اكەلەدى» دەپ ەسكەرتتى.

ازىرگە «تاليبان» بيلىگىن ەشبىر مەملەكەت رەسمي تانىعان جوق. قازىر اۋعان ەلى ەكونوميكالىق جانە گۋمانيتارلىق داعدارىستاردى باستان كەشىپ جاتىر.

زابيحۋللا مۋدجاحيد، «تاليباننىڭ» رەسمي وكىلى:

- ءبىز بارلىق ەلدەرمەن، ونىڭ ىشىندە ا ق ش- پەن دە بايلانىس ورناتقىمىز كەلەدى. قارىم- قاتىناس ورناتۋ بىزدە اسكەري بازا اشىلادى دەگەندى بىلدىرمەيدى. ولاردىڭ بىزگە تۇككە قاجەتى جوق. قارىم- قاتىناس - ورتاق قاجەتتىلىك. الەمدىك قاۋىمداستىق اۋعانستاندا قاۋىپسىزدىك ورناعانىن شىنىندا قالاسا، وندا ءبىزدى تانىپ، جاۋاپكەرشىلىك ارتسىن.