10:57, 29 - قازان 2021 | GMT +5
گولوۆكيننىڭ جاپوندىق بوكسشىمەن جەكپە- جەك ۋاقىتى بەلگىلى بولدى
نۇر- سۇلتان. قازاقپارات - 29 -جەلتوقسان كۇنى جاپونيادا IBF/IBO نۇسقاسى بويىنشا ورتا سالماقتاعى الەم چەمپيونى گەنناديي گولوۆكين مەن WBA Super بەلدىگىنىڭ يەسى ريوتا مۋراتا اراسىندا جەكپە- جەك وتەدى، دەپ حابارلايدى
قازاقپارات Sports.kz سايتىنا سىلتەمە جاساپ. AsianMMA.com باسىلىمىنىڭ جازۋىنشا، جەكپە- جەك ازياداعى تۇرعىندار ءۇشىن ىڭعايلى ۋاقىتتا وتكىزىلەدى.
«جەكپە- جەك جەرگىلىكتى ۋاقىت بويىنشا تۇستەن كەيىن وتكىزىلۋى مۇمكىن، سوندىقتان ونى كەشكى ۋاقىتتا ا ق ش تا ترانسلياتسيالاۋعا بولادى»،-دەپ جازىلعان حابارلامادا.
ەلوردا مەن توكيو اراسىنداعى ۋاقىتتىڭ ءۇش ساعات ايىرماسىن ەسەپكە الا وتىرىپ، گولوۆكين- مۋراتا بوكس شوۋى سارسەنبى، 29 -جەلتوقساندا كەشكە قاراي باستالۋى مۇمكىن.
