ق ر پرەزيدەنتى فرانسۋز كاسىپكەرلەرى باسشىلىعىمەن جاڭا جوبالاردى تالقىلادى
قازاقپارات بۇل تۋرالى اقورداعا سىلتەمە جاساپ حابارلايدى.
پرەزيدەنت فرانسۋز كاسىپكەرلەرىنە ءىلتيپات بىلدىرە وتىرىپ، نيكوليا تەررازدى «TotalEnergies» بارلاۋ جانە ءوندىرۋ» كومپانياسىنىڭ باسشىسى قىزمەتىنە جاڭادان تاعايىندالۋىمەن قۇتتىقتادى. كەزدەسۋ بارىسىندا «TotalEnergies» كومپانياسىنىڭ قاتىسۋىمەن جاڭارتىلاتىن قۋات كوزدەرى سالاسىنداعى جوبالاردى جۇزەگە اسىرۋ ماسەلەلەرىنە نازار اۋدارىلدى.
قاسىم-جومارت توقايەۆ قىزىلوردا جانە جامبىل وبلىستارىنداعى ەكى كۇن ەلەكتر ستانسياسى قۇرىلىستارىنىڭ اياقتالىپ، پايدالانۋعا بەرىلگەنىن اتاپ ءوتتى. ارنو برەياك مەملەكەت باسشىسىنا قۋاتى 1 گ ۆت بولاتىن جەل ەنەرگەتيكاسى كەشەنىنىڭ قۇرىلىسى تۋرالى مەموراندۋمعا قول قويىلعانى تۋرالى، سونداي-اق كونسەرندى قازاقستاندا جانە الەمدە ودان ءارى دامىتۋدىڭ پەرسپەكتيۆالارى جونىندە ايتتى. سونىمەن قاتار كەزدەسۋدە قاشاعان جانە دۇنعا كەن ورىندارىنداعى مۇناي ءوندىرۋ كولەمىن ارتتىرۋ ماسەلەسى كوتەرىلدى.
