ءادىل عالياحمەتوۆ شورت-ترەكتەن الەم كۋبوگىنىڭ كۇمىس جۇلدەگەرى اتاندى

بەيجىڭ. قازاقپارات - قىتايدىڭ بەيجىڭ قالاسىندا ءوتىپ جاتقان شورت-ترەكتەن الەم كۋبوگى كەزەڭىندە قازاقستان قورجىنىنا ءبىر مەدال ءتۇستى دەپ حابارلايدى قازاقپارات Olympic.kz سايتىنا سىلتەمە جاساپ.

ەرلەر اراسىندا 1500 مەترگە جارىسۋدان قازاقستاندىق ءادىل عالياحمەتوۆ كۇمىس جۇلدەگەر اتاندى.

ول اتالعان قاشىقتىقتى 2 مينۋت 18,680 سەكۋندتا جۇگىرىپ وتكەن. سوچي وليمپياداسىنىڭ چەمپيونى، رەسەيلىك سەمەن ەليستراتوۆ 2 مينۋت 18,285 سەكۋندتى كورسەتىپ، الەم كۋبوگىنىڭ جەڭىمپازى اتاندى.

قولا مەدال العان قىتايلىق ان كاي 2 مينۋت 18,864 سەكۋندتا جۇگىرىپ وتكەن.

بۇل ءادىل عالياحمەتوۆتىڭ الەم كۋبوگى كەزەڭدەرىندە جەڭىپ العان العاشقى جۇلدەسى ەكەنىن ەستەرىڭىزگە سالامىز.