13:12, 15 - قازان 2021 | GMT +5
سوت ورىنداۋشىسىن ۇرعان الماتىلىق سوتقا ارىزداندى
نۇر-سۇلتان. قازاقپارات - الماتىدا سوت ورىنداۋشىسىن ۇرعان وقيعاعا قاتىسۋشى ماقسات ىسقاقوۆ سوتقا ارىزداندى.
ماقسات ىسقاقوۆ اكىمشىلىك سوتقا جەكە سوت ورىنداۋشىسىنىڭ ارەكەتىن زاڭسىز دەپ ساناپ، ارىز بەردى. قالالىق سوتتىڭ باسپا ءسوز قىزمەتى ءىستى الدىن الا تىڭداۋ 5-قاراشاعا بەلگىلەنگەنىن حابارلادى.
ەسكە سالايىق، وقيعا 4-قازاندا الماتىداعى تۇرعىن ءۇيدى بۇزۋ كەزىندە بولعان. ەر ادام سوت ورىنداۋشىسىنىڭ قابىرعاسىنان ەكى رەت ۇرعان. سوت ورىنداۋشىلار پالاتاسى ەر ادام پوليتسەيلەردىڭ كوزىنشە قىزمەتكەردى ۇرىپ-سوققانىن حابارلادى.
الماتى قالاسى بوستاندىق اۋداندىق پوليتسيا باسقارماسىنىڭ باستىعى وسى وقيعاعا قاتىستى سوت ورىنداۋشىلار پالاتاسىنا جاۋاپ بەرگەن. ال جابىرلەنۋشىنىڭ ءوزى ۆيدەو جاريالاپ، سوققىعا جىققان ەر ادامدى قاماتاتىنىن ايتقان بولاتىن. ءبىراق كەيىن سوت ورىنداۋشىسى جول ەرەجەسىن ساقتاماعانى ءۇشىن قىلمىستىق جاۋاپكەرشىلىككە تارتىلدى.
