پرەزيدەنت بيولوگيالىق قاۋىپسىزدىك پروبلەمالارى ع ز ي قىزمەتكەرلەرىنە ارنالعان جاڭا تۇرعىن ۇيلەردى ارالاپ كوردى

جامبىل وبلىسى. قازاقپارات - پرەزيدەنت بيولوگيالىق قاۋىپسىزدىك پروبلەمالارى ع ز ي قىزمەتكەرلەرىنە ارنالعان جاڭا تۇرعىن ۇيلەردى ارالاپ كوردى، دەپ حابارلايدى اقوردا.

مەملەكەت باسشىسى گۆاردەيسكي كەنتىندەگى بيولوگيالىق قاۋىپسىزدىك پروبلەمالارى عىلىمي- زەرتتەۋ ينستيتۋتىنىڭ قىزمەتكەرلەرىنە ارناپ سالىنعان تۇرعىن ۇيلەر قۇرىلىسىنىڭ بارىسىمەن تانىستى.

جامبىل وبلىسىنىڭ اكىمى بەردىبەك ساپاربايەۆ وتاندىق جانە شەتەلدىك عىلىمي ماماندارعا ارنالعان 180 پاتەرلىك ءۇش تۇرعىن ءۇي قۇرىلىسىنىڭ اياقتالعانى تۋرالى باياندادى. سودان كەيىن قاسىم- جومارت توقايەۆقا جيھازدارمەن تولىق جابدىقتالعان جاڭا پاتەرلەر كورسەتىلدى.

ۇيلەردى سالۋعا رەسپۋبليكالىق بيۋدجەتتەن 2,3 ميلليارد تەڭگە بولىنگەن. ءبىرىنشى ءۇيدىڭ قۇرىلىسى بيىل مامىر ايىندا اياقتالدى. كوپقاباتتى ۇيلەردىڭ قۇرىلىسى تولىق ءبىتىپ، بارلىق ينجەنەرلىك جەلىلەر تارتىلعان.

ەسكە سالساق، ق ر پرەزيدەنتى جۇمىس ساپارىمەن جامبىل وبلىسىندا ءجۇر. مەملەكەت باسشىسى QazVac ۆاكسيناسىن شىعاراتىن قوردايداعى زاۋىتقا باردى.