بۇگىن - مۇعالىمدەر كۇنى

نۇر- سۇلتان. قازاقپارات - قازاننىڭ العاشقى جەكسەنبىسى - قازاقستاندا مۇعالىمدەر كۇنى.

بۇل - ءبىلىم بەرۋ سالاسىنىڭ ماماندارىنا ورتاق مەرەكە، دەپ حابارلايدى قازاقپارات ءتىلشىسى.

«التى الاشتىڭ باسى قوسىلسا، ءتور - مۇعالىمدىكى» دەگەن ماعجان جۇمابايەۆتىڭ قاناتتى ءسوزى بۇگىندە وزەكتىلىگىن جوعالتقان جوق. ونىڭ دالەلى - ەلىمىزدە «پەداگوگ مارتەبەسى تۋرالى» زاڭنىڭ قابىلدانىپ، قولدانىسقا ءساتتى ەنۋى. قۇجات 21 باپتان تۇرادى. ول باپتار 500 مىڭنان استام پەداگوگتىڭ كاسىبي قۇقىعى مەن مىندەتتەرىن ايقىندايدى. جالپى، مۇعالىمدەر مەرەكەسى حالىقىرالىق دەڭگەيدە 1994 -جىلى يۋنەسكو شەشىمىنەن بەكىتىلگەن.

تاۋەلسىز قازاقستان ۇستازدار كۇنىن ك س ر و قۇرامىنان بىرگە شىققان ازەربايجان، ۋكراينا، قىرعىزستان، لاتۆيا، بەلارۋس سياقتى قازان ايىنىڭ العاشقى جەكسەنبىسىندە اتاپ ءوتىپ كەلەدى. 1-قىركۇيەكتەگى مالىمەت بويىنشا، بيىلعى وقۋ جىلىندا 3,6 ميلليون وقۋشىعا ەلىمىزدە 367,7 مىڭ مۇعالىم ءبىلىم بەرەدى. ونىڭ ىشىندە 12 مىڭنان استام مۇعالىم ەڭبەك جولىن بيىل عانا باستاعان.

اۆتور: ەسىمجان ناقتىباي