نۇر-سۇلتاندا ءۇي جاعدايىندا توي- تومالاق وتكىزۋگە تىيىم سالىندى

نۇر-سۇلتان. قازاقپارات - نۇر-سۇلتان قالاسى باس سانيتار دارىگەرىنىڭ جاڭا قاۋلىسى بويىنشا Ashyq جوباسىنا قاتىسپايتىن بۇقارالىق شارالارعا قاتىسۋعا تىيىم سالىندى، دەپ حابارلايدى قازاقپارات ءتىلشىسى.
None
None

«نۇر-سۇلتان قالاسىنىڭ تۇرعىندارى بۇقارالىق ءىس- شارالارعا، مارافوندار، سپورتتىق، وتباسىلىق، ەسكە الۋ ءىس- شارالاردى قوسا العاندا، ونىڭ ىشىندە ۇيدە بانكەتتەر، ۇيلەنۋ تويلارى، مەرەيتويلار، ەسكە الۋ شاراسىن وتكىزۋگە جانە ولارعا قاتىسۋعا، «Ashyq» جوباسىنا قاتىساتىن ءىس- شارالاردى وتكىزۋدى قوسپاعاندا، سونداي-اق ميتينگىلەر، شەرۋلەر، جيىندار جانە تاعى باسقا ۇيىمداستىرۋعا جانە قاتىسۋعا تىيىم سالىنسىن»، - دەپ جازىلعان قۇجاتتا.

سونداي-اق، Ashyq جوباسىنا قاتىسپايتىن، قىزمەتى جاڭارتىلماعان نەمەسە تىيىم سالىنعان نىساندارعا بارۋعا شەكتەۋ ساقتالادى.

«بوۋلينگ- ورتالىقتارعا، كومپيۋتەرلىك كلۋبتارعا، PlayStation كلۋبتارىنا، بيلياردقا، كاراوكەگە، باتۋتتارعا، تۇنگى كلۋبتارعا، بۋكمەكەرلىك كەڭسەلەرگە جانە ويىن كلۋبتارىنا، ونىڭ ىشىندە لوتەرەيا ۇتىس ويىنى، جابىق ءۇي-جايلارداعى بالالاردىڭ ويىن- ساۋىق ورتالىقتارىنا، بالالاردىڭ ويىن بولمەلەرىنە، ويىن الاڭدارى مەن اتتراكسيوندارىنا، ونىڭ ىشىندە سپورتتىق وبەكتىلەردە ورنالاسقانداردان باسقا، مۇزدى جانە روليكتى سىرعاناقتارعا بارماۋ قاجەت»، - دەپ جازىلعان قاۋلى ماتىنىندە.

اۆتور: ەسىمجان ناقتىباي


سوڭعى جاڭالىقتار