استاناداعى قازاق تەاترىنىڭ جاڭا ماۋسىمى اشىلادى
قاللەكي تەاترى ءداستۇر بويىنشا جاڭا ماۋسىمدى م. اۋەزوۆتىڭ «اباي» قويىلىمىمەن باستايدى. «اباي» تراگەدياسىنىڭ قويۋشى رەجيسسەرى - قازاقستاننىڭ ەڭبەك سىڭىرگەن قايراتكەرى الىمبەك ورازبەكوۆ.
ساحنادا اعا اباي بەينەسىن قازاقستاننىڭ حالىق ءارتيسى تىلەكتەس مەيراموۆ، اباي بەينەسىن - قازاقستاننىڭ ەڭبەك سىڭىرگەن قايراتكەرى نۇركەن وتەۋىل سومدايدى. پرەمەراسىنا 12 جىل بولعان بۇل قويىلىمنىڭ تەاتر رەپەرتۋارىنداعى ورنى ەرەكشە. عاسىرلار بويى قالىپتاسقان كەرتارتپا ادەت- عۇرىپ پەن مىلقاۋ كۇش، دۇلەي زاماندى ايىپتاپ وتكەن اباي ويى، اباي فيلوسوفياسى ساحنادا ۇلى م. اۋەزوۆ دراماتۋرگياسىمەن وتكەن عاسىرعا جول تارتقانىمەن، بۇگىنگى كورەرمەن ءۇشىن دە كوكەيكەستىلىگىن جوعالتقان جوق»، - دەپ جازىلعان تەاتردىڭ باسپا ءسوز قىزمەتىنىڭ اقپاراتىندا.
سونىمەن بىرگە، بيىل ەل تاۋەلسىزدىگىنە جانە قاللەكي تەاترىنا 30 جىل تولادى. XXXI جاڭا ماۋسىمدا قاللەكي تەاترىنىڭ 30 جىلدىق مەرەيتويىنا ارنالعان شارالار دا ۇسىنىلادى.
اۆتور: ايجان سەرىكجان قىزى
