الماتى قالاسىنداعى «التىن وردا» بازارى اۋدانىنداعى اۆتوجول قازاندا اياقتالادى

نۇر- سۇلتان. قازاقپارات - الماتى قالاسىنداعى «التىن وردا» بازارى اۋدانىنداعى اۆتوجول ۋچاسكەسىن رەكونسترۋكسيالاۋ قازاندا اياقتالادى.

بۇل تۋرالى ق ر يندۋستريا جانە ينفراقۇرىلىمدىق دامۋ ۆيتسە- ءمينيسترى بەرىك كاماليەۆ ايتتى، دەپ حابارلايدى قازاقپارات ءتىلشىسى.

«الماتى قالاسىنداعى «التىن وردا» بازارى اۋدانىنداعى اۆتوجول ۋچاسكەسى الىپ مەگاپوليستىڭ بارلىق تۇرعىندارىن تولعاندىرادى. رەسپۋبليكا پرەمەر- ءمينيسترىنىڭ تاپسىرماسىنا سايكەس، قازان ايىندا وسى كولىك جول ايىرىعىنداعى جۇمىستار تولىعىمەن اياقتالادى»، - دەدى بەرىك كاماليەۆ ورتالىق كوممۋنيكاتسيالار قىزمەتىندەگى باسپا ءسوز ءماسليحاتى بارىسىندا.

مينيسترلىك مالىمەتىنشە، بۇگىنگى تاڭدا اتالعان ۋچاسكەدە بارلىق نەگىزگى جۇمىس اياقتالعان. ترانزيتتىك كولىكتىڭ ءوتۋى ءۇشىن ەستاكادانىڭ قۇرىلىسى جەدەل قارقىنمەن جۇرگىزىلىپ جاتىر.

اۆتور: مارلان جيەمباي