قاسىم-جومارت توقايەۆ تاجىكستاندىقتاردى مەرەكەلەرىمەن قۇتتىقتادى
بۇل تۋرالى قازاقپارات اقوردانىڭ رەسمي سايتىنا سىلتەمە جاساپ حابارلايدى.
- باۋىرلاس تاجىكستان بۇل ايتۋلى كۇنگە حالىقارالىق ارەنادا ماڭىزدى ءرول اتقاراتىن بەدەلدى مەملەكەت رەتىندە جەتىپ وتىر. قۇرمەتتى ەمومالي ءشارىپ ۇلى، الەمدىك قاۋىمداستىق ءسىزدى مەملەكەتتىلىكتى نىعايتۋعا جانە ەل ازاماتتارىنىڭ ءال- اۋقاتىن ارتتىرۋعا ۇلەس قوسقان، ناعىز جالپىۇلتتىق كوشباسشى رەتىندە تانىدى، - دەپ جازدى قازاقستان پرەزيدەنتى.
قاسىم-جومارت توقايەۆ قازاقستاننىڭ تاجىكستانمەن عاسىرلار بويعى دوستىقتى، ءوزارا قولداۋ مەن جان- جاقتى ىنتىماقتاستىققا نەگىزدەلگەن بايلانىستاردى نىعايتۋعا باسا ءمان بەرەتىنىن اتاپ وتكەن. - ءبىز ءوزارا كۇش جۇمىلدىرا وتىرىپ، ەلدەرىمىز اراسىنداعى كوپجاقتى ىقپالداستىقتىڭ قارقىندى دامۋىنا تىڭ سەرپىن بەرە الامىز جانە قازاق- تاجىك ستراتەگيالىق سەرىكتەستىگى مەن وداقتاستىعىنىڭ كوكجيەگىن كەڭەيتەمىز، - دەلىنگەن جەدەلحاتتا.
