قازاقستاندا كۇن كۇرت سۋىتادى جانە قاتتى جاڭبىر جاۋادى

نۇر-سۇلتان. قازاقپارات - سينوپتيكتەر قازاقستاندا 7-9- قىركۇيەككە ارنالعان اۋا رايى بولجامىن ۇسىندى.

بولجام بويىنشا، رەسپۋبليكانىڭ باسىم بولىگىندە فرونتال اۋا رايى اسەرىنەن جاڭبىر جاۋادى.

سولتۇستىكتە نايزاعاي ويناپ، قاتتى نوسەر بولادى. تەك وڭتۇستىك وبلىستارىندا كۇن قۇرعاق بولادى.

«8-9- قىركۇيەكتە تۇندە قوستاناي، 9- قىركۇيەكتە اقمولا جانە سولتۇستىك قازاقستان وبلىستارىندا مينۋس 2 گرادۋس ۇسىك جۇرەدى. رەسپۋبليكانىڭ باتىسىندا، سولتۇستىك-باتىسىندا تۇندە اۋا تەمپەراتۋراسى 5- 10، كۇندىز 14- 22 گرادۋس، سولتۇستىكتە جانە ورتالىقتا اۋا تەمپەراتۋراسى تۇندە 2- 7، كۇندىز 13-23 گرادۋس، شىعىستا تۇندە 7- 12، كۇندىز 20- 25 گرادۋس جىلى بولادى.

رەسپۋبليكانىڭ وڭتۇستىگى مەن وڭتۇستىك-شىعىسىندا تۇندە اۋا تەمپەراتۋراسى 10- 15، كۇندىز 22-27 گرادۋس جىلى بولادى دەپ بولجانعان».