وتاندىق ۆاكسينانىڭ شتامدىق قۇرامى وزگەرەدى

نۇر- سۇلتان. قازاقپارات - كوروناۆيرۋسقا قارسى وتاندىق QazVac ۆاكسيناسىنىڭ قۇرامى وزگەرەدى.

بۇل تۋرالى بيولوگيالىق قاۋىپسىزدىك پروبلەمالارىنىڭ عىلىمي- زەرتتەۋ ينستيتۋتىنىڭ باس ديرەكتورى، كوروناۆيرۋسقا قارسى QazVac قازاقستاندىق ۆاكسينانىڭ اۆتورى كۇنسۇلۋ زاكاريا ءمالىم ەتتى، دەپ حابارلايدى قازاقپارات ءتىلشىسى.

«ءبىزدىڭ ەل اۋماعىنا دەلتا شتامى كەلگەن ساتتەن باستاپ، ۇكىمەتتىڭ تاپسىرماسىنا سايكەس ونى زەرتتەۋگە كىرىستىك. كلينيكاعا دەيىن زەرتتەۋ جانۋارلارعا جۇرگىزىلدى. QazVac-تىڭ شتامدىق قۇرامىن وزگەرتۋ ارقىلى جانۋارلارعا جۇرگىزىلگەن زەرتتەۋ جوعارى ناتيجە كورسەتتى. بۇگىندە دەنساۋلىق ساقتاۋ مينيسترلىگىنىڭ رەسمي رۇقساتىن كۇتىپ وتىرمىز. ياعني QazVac قۇرامىنداعى ۋحان شتامىن دەلتا شتامىنا اۋىستىراتىن بولامىز. زەرتتەۋ ناتيجەسىمەن تانىسىپ، مينيسترلىك رۇقسات بەرگەن جاعدايدا، QazVac-تىڭ كەلەسى پارتياسى جاڭا قۇراممەن دايىندالادى. ارينە ءبىزدىڭ عالىمدار تاۋەكەلگە بارىپ وتىر. دەگەنمەن تاۋەكەل اقتالىپ، وڭ ناتيجەگە قول جەتكىزىپ وتىرمىز»، - دەدى كۇنسۇلۋ زاكاريا و ك ق- دە وتكەن باسپا ءسوز ءماسليحاتىندا.

ونىڭ ايتۋىنشا، وتاندىق ۆاكسينا قۇرامىنداعى شتامدى اۋىستىرۋ جانە ونى جانۋارلارعا سىناۋ جۇمىسىنا 2 اي جۇمسالعان. بۇعان دەيىن ك. زاكاريا وتاندىق ۆاكسينانى ءۇش كەزەڭ بويىنشا كلينيكالىق زەرتتەۋدىڭ اياقتالعانىن ءمالىم ەتتى.

اۆتور: ءالي يبرايەۆ