بيىل بۇلدىرشىندەرگە «الىپپەنى» تابىستاۋ شاراسى قالاي وتەدى

نۇر- سۇلتان. قازاقپارات - «الىپپە» جانە «بۋكۆار» مەكتەپتەرگە قايتا ورالادى.

بۇل تۋرالى «ءبىلىم جانە عىلىم - ەلدىڭ تۇراقتى دامۋىنىڭ كەپىلى» تاقىرىبىنداعى پەداگوگتەردىڭ رەسپۋبليكالىق تامىز كونفەرەنسياسىنىڭ پلەنارلىق سەسسياسىندا ق ر ءبىلىم جانە عىلىم ءمينيسترى اسحات ايماعامبەتوۆ ءمالىم ەتتى، دەپ حابارلايدى قازاقپارات ءتىلشىسى.

ءمينيستردىڭ ايتۋىنشا، جاڭا وقۋ جىلىنداعى جاڭالىقتاردىڭ ءبىرى - «الىپپە» جانە «بۋكۆار» وقۋلىقتارى مەكتەپ باعدارلاماسىنا قايتا ورالادى.

«1- قىركۇيەكتە وتەتىن سالتاناتتى ءىس- شارادا مەكتەپ تابالدىرىعىن العاش اتتاعان بارلىق ءبىرىنشى سىنىپ وقۋشىلارىنا «الىپپە» ءبىرىنشى وقۋلىعى رەتىندە بەرىلەدى. بۇل وقۋلىق احمەت بايتۇرسىن ۇلىنىڭ ادىستەمەسى بويىنشا جاسالعان. وسىعا باعىتتا ءبىزدىڭ ادىسكەرلەر مەن عالىمدار اۋقىمدى جۇمىستاردى اتقاردى»، - دەدى اسقار ايماعامبەتوۆ.

«الىپپە» جانە «بۋكۆار» وقۋلىقتارى مازمۇنى جاعىنان بىردەي جانە ءبىرىنشى سىنىپ وقۋشىلارىنىڭ جاس ەرەكشەلىكتەرىن ەسكەرە وتىرىپ جاسالعان. بۇدان بۇرىن حابارلانعانداي، 1- قىركۇيەكتە بولاتىن ءبىلىم كۇنى سالتاناتتى ءىس- شاراسى ءداستۇرلى فورماتتا، مەكتەپ اۋماعىندا 1-سىنىپ وقۋشىلارى ءۇشىن ۇيىمداستىرىلادى. ولارعا سالتاناتتى تۇردە العاشقى وقۋلىعى الىپپە تابىستالادى. ال 2 مەن 11-سىنىپ وقۋشىلارى تىكەلەي بەكىتىلگەن كابينەتتەرگە بارىپ، سوندا تاقىرىپتىق سىنىپ ساعاتتارىنا قاتىساتىن بولادى.

اۆتور: رۋسلان عابباسوۆ