ۆاكسينا العان ستۋدەنتتەر مەن وقىتۋشىلار جولدامالار مەن اقشالاي سىيلىقتارعا يە بولۋدا
ەستەرىڭىزگە سالا كەتەيىك، بۇعان دەيىن ق ر ءبىلىم جانە عىلىم ءمينيسترى اسحات ايماعامبەتوۆتىڭ تاپسىرماسى بويىنشا ۋنيۆەرسيتەتتەر ءبىلىم الۋشىلار مەن قىزمەتكەرلەر اراسىندا ۆاكسيناتسيانى ىنتالاندىرۋ شارالارىن ازىرلەگەن بولاتىن.
س. امانجولوۆ اتىنداعى شىعىس قازاقستان ۋنيۆەرسيتەتىندە ۆاكسيناتسيانىڭ تولىق سيكلىنان العاشقىلاردىڭ ءبىرى بولىپ وتكەن ستۋدەنتتەر سىبە كولدەرىنىڭ دەمالىس ورنىنا جولداما الدى. ۋنيۆەرسيتەت رەكتورى مۇحتار تولەگەن اتاپ وتكەندەي، ستۋدەنتتەر جاپپاي ۆاكسيناتسيالاۋ ناۋقانىنا بەلسەندى قاتىسىپ جاتىر.
«سىبە كولدەرىنىڭ دەمالىس ورنىنا جولدامانى بەلسەندى 20 ستۋدەنت جەڭىپ الدى. ولار اكسيا جاريالانعان ساتتەن باستاپ ۆاكسينانىڭ ەكى كومپونەنتىن سالدىرعان. ۋنيۆەرسيتەتتە بارلىق سانيتارلىق- ەپيدەميولوگيالىق تالاپتى ساقتاي وتىرىپ، وقۋ جىلىن باستاۋعا دايىندىق جۇمىستارى قىزۋ ءجۇرىپ جاتىر. ماۋسىمنان باستاپ «Ashyq» جۇيەسى جۇمىس ىستەيدى. بارلىق اۋديتوريا، زەرتحانا، سپورتتىق جانە باسقا دا وقۋ ورىندارىندا قاجەتتى جۇمىستار جۇرگىزىلىپ جاتىر»، - دەپ اتاپ ءوتتى مۇحتار تولەگەن.
«ۆاكسينانى العاننان كەيىن ءبىز ءوز دەنساۋلىعىمىزدى قورعاپ قانا قويماي، سونىمەن بىرگە جاڭا وقۋ جىلى قارساڭىندا دەمالدىق. ۋنيۆەرسيتەت باسشىلىعىنا ستۋدەنتتەرگە كورسەتكەن قامقورلىعى ءۇشىن العىس بىلدىرەمىز. بۇل ۆاكسيناتسيانى ىنتالاندىرۋ بويىنشا بۇرىن- سوڭدى بولماعان قولداۋ شاراسى دەپ سانايمىن»، - دەيدى س. امانجولوۆ اتىنداعى شىعىس قازاقستان ۋنيۆەرسيتەتىنىڭ ستۋدەنتى ۆيكتوريا تكاچيەۆا.
جوعارى وقۋ ورنىندا ستۋدەنتتەر مەن وقىتۋشىلاردى ىنتالاندىرۋ بويىنشا ءبىرقاتار باسقا دا شارالار قاراستىرىلعان. 60-قا جۋىق ستۋدەنت ارنايى جەڭىلدىكتەر مەن ىنتالاندىرۋ سىيلىقتارىن الدى. ماسەلەن، جاتاقحانادا تۇرۋعا جەڭىلدىكتەر، فيتنەس- ورتالىعىنا جانە باسسەينگە ابونەمەنتتەر. قازىرگى ۋاقىتتا س. امانجولوۆ اتىنداعى شىعىس قازاقستان ۋنيۆەرسيتەتىندە ستۋدەنتتەردىڭ % 86- دان استامى، ال قىزمەتكەرلەردىڭ % 98- ى ەكپە العان.
ش. ءۋاليحانوۆ اتىنداعى كوكشەتاۋ ۋنيۆەرسيتەتىنىڭ ستۋدەنتتەرى مەن وقىتۋشىلارى اراسىندا دا «تۇلپار» ساۋىقتىرۋ كەشەنىنە جولدامالار ويناتىلدى. ۇتىس ويىنىنىڭ ءبىرىنشى كەزەڭىنىڭ قورىتىندىسى بويىنشا 10 ستۋدەنت 25 مىڭ تەڭگەدەن، ال وقىتۋشىلار مەن قىزمەتكەرلەر 50 مىڭ تەڭگەدەن الدى. ەكىنشى تۋر قىركۇيەكتىڭ ءبىرىنشى ونكۇندىگىنە جوسپارلانىپ وتىر. م. اۋەزوۆ اتىنداعى وڭتۇستىك قازاقستان ۋنيۆەرسيتەتىنىڭ ستۋدەنتتەرى مەن وقىتۋشىلارى دا قۇندى سىيلىقتار مەن جولدامالارعا يە بولدى.
جاڭا وقۋ جىلى قارساڭىندا 10 ستۋدەنت ءبىر كۇندىك اۆتوتۋرعا جانە كيەلى جەرلەرگە ساياحاتقا بارادى، ال 5 ستۋدەنت TOEFL ەمتيحانىن تەگىن تاپسىرۋعا مۇمكىندىك الادى. 1- شىلدە – 1- تامىز ارالىعىندا ۆاكسينا العان ۋنيۆەرسيتەتتىڭ پروفەسسورلىق- وقىتۋشىلىق قۇرامىنا سارىاعاش شيپاجايىنا جولدامالار بەرىلەدى. ولار ءۇشىن سونداي- اق اقشالاي سىيلىقتار دا قاراستىرىلعان. قازاق ۇلتتىق قىزدار پەداگوگيكالىق ۋنيۆەرسيتەتىندە پروفەسسور- وقىتۋشىلار قۇرامى مەن قىزمەتكەرلەردىڭ % 90- عا جۋىعى، سونداي- اق 18 جاستان اسقان مىڭنان استام ستۋدەنت ەكپە سالدىردى. ۆاكسينا العان ءبىلىم الۋشىلاردىڭ اراسىندا ءتىل كۋرستارىنا سەرتيفيكاتتار ويناتىلدى.
