ق ر پرەزيدەنتى كورەيا رەسپۋبليكاسىنا مەملەكەتتىك ساپارمەن بارادى
بۇل تۋرالى ق ر پرەزيدەنتىنىڭ باسپا ءسوز حاتشىسى بەرىك ءۋالي جەلىدەگى پاراقشاسىندا جازدى. ساپار اياسىندا جوعارى دەڭگەيدە كەلىسسوزدەر ءوتىپ، مەملەكەتتەر باسشىلارى ەكى ەل اراسىنداعى ستراتەگيالىق ارىپتەستىكتى ودان ءارى دامىتۋدىڭ پەرسپەكتيۆالارىن قاراستىرماق.
كەزدەسۋ قورىتىندىسى بويىنشا بىرلەسكەن مالىمدەمە قابىلدانىپ، ۇكىمەتارالىق قۇجاتتارعا قول قويىلادى دەپ جوسپارلانعان.
قازاقستان پرەزيدەنتى سەۋلگە ساپارى اياسىندا كورەيانىڭ ءىرى كومپانيالارىنىڭ باسشىلارىمەن، بەلگىلى ساياسي قايراتكەرلەرمەن كەزدەسۋلەر وتكىزەدى.
سونىمەن قاتار قازاقستانداعى ينۆەستيتسيالىق جوبالاردى جۇزەگە اسىرۋ بويىنشا ءبىرقاتار كوممەرتسيالىق كەلىسىم- شارت جاسالماق. سونداي- اق پرەزيدەنت قاسىم-جومارت توقايەۆ سەۋل قالاسىندا اباي ەسكەرتكىشىنىڭ اشىلۋ راسىمىنە قاتىسادى دەپ جوسپارلانعان.
