ا ق ش-تا مەملەكەتتىك قىزمەتشىلەر ۆاكسينا سالدىرۋعا مىندەتتەلدى

نۇر-سۇلتان. قازاقپارات - قازاقستاندا كوروناۆيرۋستىڭ تارالۋىنا جول بەرمەۋ جونىندەگى ۆەدومستۆوارالىق كوميسسيا الەمدەگى ەپيدەميولوگيالىق احۋالعا شولۋ جاسادى، دەپ حابارلايدى قازاقپارات.

كوروناۆيرۋستىڭ «دەلتا» مۋتاتسياسى سالدارىنان اۋرۋ نەعۇرلىم اۋىر تۇردە جۇرەدى جانە ءولىم قاۋپى جوعارى، ۆيرۋستىڭ بۇل ءتۇرى بۇكىل الەمگە تارالدى.

رەسەيلىك ۆاكسينا جاساۋشىلار «كوۆيۆاك» پرەپاراتىنىڭ «دەلتاعا» قارسى تۇرا الاتىنىن سەنىمدى تۇردە مالىمدەدى.

«كوۆيۆاك» پرەپاراتى جاسالعان چۋماكوۆا اتىنداعى ورتالىقتىڭ عالىمدارى پرەپاراتتىڭ نەگىزى رەتىندە SARS- CoV-2 ۆيرۋسى قولدانىلاتىنىن اتاپ ءوتتى. ۆاكسينادا ۆيرۋستىق بولشەكتەر اقۋىزدارىنىڭ بارلىق جيىنتىعى بار جانە بۇل يممۋندىق جاۋاپتىڭ تولىق قالىپتاسۋىنا مۇمكىندىك بەرەدى.

يندونەزيا پروۆينتسيالارىندا 101 ميلليوننان استام ۆاكسينا قولدانىلعان. «COVID-19 پرەپاراتىنىڭ مۇنداي مولشەرى حالىقتىڭ ۆاكسيناعا دەگەن قاجەتتىلىگىنىڭ جارتىسىن جابۋعا جەتكىلىكتى»، - دەدى يندونەزيا دەنساۋلىق ساقتاۋ مينيسترلىگىنىڭ وكىلى.

«جالپى 101686980 دوزانىڭ شامامەن 74530201 دوزاسى 34 پروۆينسيادا قولدانىلدى»، - دەدى دەنساۋلىق ساقتاۋ مينيسترلىگىنىڭ ۆاكسيناتسيا جونىندەگى وكىلى ناديا تارميزي. قولدانىلاتىن ۆاكسينالاردىڭ قاتارىندا سينوۆاك، كوروناۆاك، استرازەنەكا، مودەرنا جانە سينوفارم بار. يندونەزيا كوروناۆيرۋسقا قارسى يممۋنيتەتتى ارتتىرۋ ءۇشىن 208265720 ازاماتتى ۆاكسينالاۋدى جوسپارلاپ وتىر.

ا ق ش-تىڭ ۆاشينگتون شتاتىندا شەنەۋنىكتەر مەن مەديتسينا قىزمەتكەرلەرىنە مىندەتتى ۆاكسيناتسيا ەنگىزىلدى. بۇل شارت جۇمىسقا ورنالاسۋ ءۇشىن قاجەت. مەملەكەتتىك قىزمەتكەرلەر، جەكە مەديتسينالىق ورتالىقتاردىڭ، سونداي-اق ۇزاق مەرزىمدى كۇتىم بويىنشا قىزمەت كورسەتەتىن مەكەمە قىزمەتكەرلەرى 18-قازانعا دەيىن تولىق ۆاكسيناتسيا كۋرسىنان ءوتۋى كەرەك. تايلاندتا پاندەميا كەزىندەگى ءولىم-ءجىتىمنىڭ تاۋلىكتىك كورسەتكىشى بويىنشا انتيرەكورد تىركەلدى - 235 جاعداي.