سوچيدى تاعى دا سۋ باستى

نۇر-سۇلتان.قازاقپارات -سوچيدى دە تاعى سۋ باسىپ جاتىر. قالادا اق جاۋىن قۇيىپ تۇر. جەل دە كۇشەيگەن. بيلىك تۇرعىنداردى ساق بولۋعا شاقىرۋدا.

قۇتقارۋشىلار دەمالۋشىلاردان سۋعا تۇسپەۋدى ءوتىنىپ الەك. سينوپتيكتەردىڭ بولجامى ازىرگە كوڭىل كونشىتپەيدى. قولايسىز اۋا رايى ءالى بىرنەشە كۇن ساقتالۋى مۇمكىن.

تايۆاندا تاسقىن كوپىردى تالقاندادى

تايۆاننىڭ وڭتۇستىك جاعالاۋىندا الاپات تايفۋن سوعىپ، سۋ تاسقىنى كوپىردى تالقاندادى. نىساننىڭ قيراعان ءساتى بەينەتاسپاعا جازىلىپ قالعان. الاپات سۋ الىپ كوپىردى بورەنە قۇرلى كورمەي، ءاپ- ساتتە اعىزىپ اكەتتى.

جاپونياعا دا تايفۋن كەلە جاتىر

تايفۋن جاپونياعا دا قاۋىپ ءتوندىرىپ تۇر. بيلىك قۇرلىققا «لۋپيت» دۇلەي داۋىلىنىڭ جاقىنداپ قالعانىن ايتىپ، دابىل قاعۋدا. بۇل ايماقتا 300 مىڭنان استام ادام تۇرادى. مەتەورولوگتار تايفۋننىڭ سوڭى تاسقىن مەن لاي كوشكىنىنە ۇلاسۋى مۇمكىن دەپ ساقتاندىرۋدا.

www.24.kz