كاليفورنيادا ءورت ءورشىپ بارادى: مىڭداعان ادام ۇيلەرىن تاستاۋعا ءماجبۇر بولدى

نۇر- سۇلتان. قازاقپارات - كاليفورنيادا تەز تاراپ جاتقان ءورت سالدارىنان پلەيسەر جانە نيەۆادا وكرۋگتەرىندە مىڭداعان ادامداردى ەۆاكۋاتسيالاپ جاتىر، 600 گەكتار جەر وتقا ورانعان، دەپ حابارلايدى قازاقپارات Reuters-كە سىلتەمە جاساپ.

پلەيسەر وكرۋگىندە كەم دەگەندە 2400 ادام ءۇيىن تاستاۋعا ءماجبۇر بولعان، نيەۆادا وكرۋگىندە تاعى 4200 ادام ەۆاكۋاتسيالانعان. ەكى وكرۋگتە دە ەۆاكۋاتسيا ورتالىعى جاساقتالدى. پلەيسەر مەن نيەۆادادا 1400 ا ك ر (566 گەكتار) جەر كۇيىپ كەتكەن. ديكسيدە 160 شاقىرىمعا جۋىق جەردەگى ءورت جالعاسۋدا. ونداعى جالىن 278 مىڭ ا ك ر جەردى شارپىعان. ءورت باستالعان كەزدەن بەرگى ءۇش اپتا ىشىندە اۋماقتىڭ تەك %35 ىندا عانا ءتىلسىز جاۋ اۋىزدىقتالعان.