قىرعىزستاننىڭ ەكس- پرەزيدەنتتەرىنە ىزدەۋ جاريالاندى
ولار قۇمتور كەنىشىندەگى جەمقورلىق ءىسى بويىنشا ايىپتالىپ جاتىر. بۇل تۋرالى وسى ەلدىڭ ۇلتتىق قاۋىپسىزدىك كوميتەتىنىڭ ءتوراعاسى قامشىبەك تاشيەۆ حابارلادى.
ونىڭ ايتۋىنشا اقايەۆ پرەزيدەنت بولعان كەزدە كانادالىق كومپانيامەن كەلىسىم- شارت جاساسقاندا زاڭ بۇزۋشىلىققا بارعان. ال، اقايەۆقا جەمقورلىق جاسادى دەگەن ايىپ تاعىلدى. سونىمەن قاتار، ەلدىڭ بۇرىنعى پرەمەر- مينيسترلەرى اپاس جۇماعۇلوۆ، ومىربەك بابانوۆ، پارلامەنتتىڭ ەكس- سپيكەرى اسىلبەك جانىبەكوۆ جانە تاعى باسقا شەنەۋنكتەر دە وسى قىلمىستىق ىسكە قاتىسى بار دەپ تانىلعان. الايدا اتالعان ءۇش ادامعا قاتىستى قوزعالعان ءىستىڭ ەسكىرۋ مەرزىمىنە قاتىستى ايىپ كۇشىن جويدى. قالعان كۇدىكتىلەر قاماۋدا نەمەسە ىزدەۋدە ءجۇر.
كامچىبەك تاشيەۆ، قىرعىزستان ۇلتتىق قاۋىپسىزدىك جونىندەگى مەملەكەتتىك كوميتەت ءتوراعاسى:
- قۇمتور كەنىشىندەگى ءىس بويىنشا تەرگەۋ امالدارى ءجۇرىپ جاتىر. كۇدىكتىلەردىڭ قىلمىستىق ىسكە قاتىسى بار دەگەن ناقتى دالەلدەر قولدا بار. تەرگەۋ ءىسىنىڭ ناتيجەسى قانشا اقشا ۇرلانعانىن دا انىقتادى.
