رەسەي مەن ەۋروپا ەلدەرىندە كوروناۆيرۋس جۇقتىرعاندار سانى ءوستى
بۇل تۋرالى قازاقپارات COVID-19 تارالۋىنا جول بەرمەۋ جونىندەگى ۆاك تەلەگرام كانالىنا سىلتەمە جاساپ حابارلايدى.
رەسەي فەدەراتسياسىندا كۆي ءورشىپ تۇر. اۋرۋ جۇقتىرۋ دەرەگى مەن قازا تاپقاندار سانى كۇن سايىن ارتۋدا.
بۇل تەندەنتسيانى تەك ماسكەۋ قالاسىندا عانا وڭ باعىتقا وزگەرتۋ مۇمكىن بولعان. پاندەميا باستالعاننان بەرى 5,68 ميلليون COVID-19 جۇقتىرۋ دەرەگى تىركەلىپ، 140000 ادام قايتىس بولعان. 18,5 ميلليون ادام ۆاكسينانىڭ تولىق كومپونەنتىن العان، 26,8 ميلليون ازامات ۆاكسينانىڭ العاشقى دوزاسىن الدى.
ۆاكسيناتسيانى جەدەلدەتۋگە باعىتتالعان بيلىكتىڭ ارەكەتى ءوز ناتيجەسىن بەرۋدە - ەگەر مامىر ايىندا كۇنىنە 300 مىڭعا جۋىق ۆاكسينا سالىنسا، قازىر بۇل سان 674 مىڭعا جەتىپ وتىر. ەگەر مۇنداي كورسەتكىش ساقتالسا، رەسەيدىڭ ەرەسەك تۇرعىندارىنىڭ %60 ىنا ۆاكسينا ەگۋ ءۇشىن تاعى 80 كۇن قاجەت بولادى.
ەۋروپادا كوروناۆيرۋس ينفەكسياسىن جۇقتىرۋ جاعدايلارىنىڭ ارتۋى تىركەلىپ وتىر.
د د س ۇ مالىمەتى بويىنشا، وتكەن اپتادا بۇل كورسەتكىش %10 عا ارتتى. ءوسىم 53 ەلدە تىركەلدى.
بۇل جاعداي ە و مەملەكەتتەرى اراسىندا تۋريستىك ساياحاتتاردىڭ ارتۋى سالدارىنان جانە COVID-19 دىڭ بۇرىنعىدان دا جۇقپالى ءتۇرى دەلتا-شتاممىنىڭ تەز تارالۋىنان ورىن العان. سونىمەن قاتار، د د س ۇ وكىلدەرىنىڭ مالىمدەمەسى بويىنشا، ەۋروپا ەلدەرى ۇكىمەتتەرىنىڭ وراسان زور ەكپە سالدىرۋ جۇمىستارىنا قاراماستان، ميلليونداعان ادامدار ۆاكسيناتسيا سالدىرماي وتىر.
