قازاقستاندا دەلتا شتامنىڭ تارالۋى ءوسىپ بارادى

نۇر- سۇلتان. قازاقپارات - ەلىمىزدىڭ بارلىق وڭىرلەرىندە دەلتا شتامىنىڭ ءوسۋى سوڭعى ءبىر اپتادا ارتىپ وتىر، دەپ حابارلايدى قازاقپارات.

بۇل تۋرالى دەنساۋلىق ساقتاۋ ءمينيسترىنىڭ ءبىرىنشى ورىنابسارى مارات شورانوۆ ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا ايتتى.

«سوڭعى اپتادا دەلتا شتامنىڭ تارالۋى وتكەن اپتاعا قاراعاندا رەسپۋبليكانىڭ بارلىق وڭىرلەرىندە وسكەن. سىرقات تانۋ كورسەتكىشىنىڭ ءوسىمى 1,9 ەسە بولدى. وڭىرلەردەگى توسەك- ورىن قورىن مونيتورينگىلەۋ دەرەكتەرىنە سايكەس 8-شىلدەدەگى جاعداي بويىنشا توسەكتەردىڭ رەسپۋبليكا بويىنشا جۇكتەلىمى - 37 پايىز، رەانيماتسيالىق توسەكتەردىڭ جۇكتەلىمى - 32 پايىز»، - دەدى ۆيتسە- مينيستر.

ەسكە سالساق، سوڭعى دەرەكتەر بويىنشا قازاقستاندا 35554 ادام كوروناۆيرۋستان ەمدەلىپ جاتىر. كۆي+، كۆي- شالدىققانداردىڭ اراسىندا: • 709 ادامنىڭ جاعدايى اۋىر، • 161 پاتسيەنتتىڭ جاعدايى وتە اۋىر، • 91 ناۋقاس جاساندى تىنىس الۋ اپپاراتىندا جاتىر.