قىتايلىق كومپانيا درون ورناتىلعان سمارتفوندى پاتەنتتەدى

نۇر-سۇلتان. قازاقپارات - قىتايلىق Vivo كومپانياسى درون تۇرىندە ۇشىپ شىعۋى ءتيىس كامەراسى بار سمارتفوندى پاتەنتتەدى.

قۇرىلعى قاراپايىم سمارتفون سەكىلدى، ءبىراق ونىڭ جوعارى بولىگىندە جىلجىمالى كونسترۋكسياسى بار، - دەپ حابارلايدى Tengrinews.kz.

سمارتفون كونسترۋكسياسى دۇنيەجۇزىلىك ينتەللەكتۋالدىق مەنشىك ۇيىمىنىڭ (WIPO) سايتىنداعى پاتەنتتىك وتىنىشتە سيپاتتالعان. سمارتفوننىڭ جوعارى بولىگىندە ەكى كامەرا مەن ءۇش ينفراقىزىل سەزبەگى بار شاعىن درون جاسىرىلعان. وسىنىڭ ارقاسىندا اۋەدە فوتو تۇسىرۋگە بولادى.

مۇنداي سمارتفون شىعارىلسا، ءوزىڭىزدى الىستان نەمەسە قاشىقتان ءتۇسىرۋ مۇمكىن بولماق. الايدا پاتەنتتە دروندى قالاي باسقارۋ كەرەگى ايتىلماعان. درون سمارتفون ارقىلى باسقارىلادى دەپ توپشىلاۋعا بولادى.