قازاقستاندا قىسقا مەرزىمدى ونلاين كۋرستاردىڭ ءبىرىڭعاي پورتالى ىسكە قوسىلدى
قازىردىڭ وزىندە ونلاين كۋرستاردىڭ 70 اۆتورى مەن ازىرلەۋشىلەرى مۇددەلى ازاماتتار ءۇشىن وزدەرىنىڭ وقىتۋ باعدارلامالارىن ۇسىنۋعا دايىن، دەپ حابارلايدى قازاقپارات ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ باسپا ءسوز قىزمەتىنە سىلتەمە جاساپ.
پورتال ماركەتپلەيس (قىزمەتتەر نارىعى) قاعيداتى بويىنشا ونلاين كۋرستارعا قولجەتىمدىلىكتى ۇسىناتىن حالىقارالىق وقىتۋ الاڭدارىنىڭ قازاقستاندىق بالاماسى بولىپ تابىلادى. رەسۋرس جالپى ەل حالقىنىڭ ءبىلىم دەڭگەيى مەن كاسىبيلىگىن ارتتىرۋ، دامۋعا ىنتالاندىرۋ جانە «ءومىر بويى وقىتۋ» تۇجىرىمداماسىن ىلگەرىلەتۋ ماقساتىندا قۇرىلدى.
ىسكە قوسۋ كەزىندە قازاقستاندىق اۆتورلار مەن ازىرلەۋشىلەر اسپازدىق جانە كۋليناريالىق ءىس، كوسمەتيكالىق، زاڭدىق جانە بۋحالتەرلىك قىزمەتتەر، قۇرىلىس، قوناق ءۇي جانە مەيرامحانا ءىسى، ءىس جۇرگىزۋ، IT، SMM سالالارى بويىنشا كۋرستار ۇسىنادى. كەز-كەلگەن ازامات https://skills.enbek.kz/ سىلتەمەسى ارقىلى نەمەسە enbek.kz ەلەكتروندى ەڭبەك بيرجاسىندا «ونلاين وقىتۋدى» تاڭداۋ ارقىلى تالاپ ەتىلەتىن بىلىكتىلىككە وقىتۋعا نەمەسە بىلىكتىلىكتى ارتتىرۋ كۋرستارىنا قول جەتكىزە الادى.
كۋرستاردىڭ اۆتورلارى مەن ازىرلەۋشىلەرى قازاقستاندىق زاڭدى تۇلعالار مەن جەكە كاسىپكەرلەر، سونىڭ ىشىندە وقۋ ورتالىقتارى، ءبىلىم بەرۋ ۇيىمدارى بولىپ تابىلادى. ولار قازىردىڭ وزىندە كۋرستاردى ورنالاستىرۋ ءۇشىن تەگىن الاڭ ۇسىنۋدا، ونلاين وقىتۋدى دامىتۋعا جاردەمدەسۋدە، قوسىمشا كىرىس كوزىن الۋدا پورتالدىڭ ارتىقشىلىقتارىن كورىپ وتىر.
جاڭا باستاعان اۆتورلار مەن ازىرلەۋشىلەر ءۇشىن پورتالدا ونلاين كۋرستاردى قۇرۋ بويىنشا ادىستەمەلىك ۇسىنىمدار جانە ولارعا قويىلاتىن تالاپتار ازىرلەندى جانە ورنالاستىرىلدى. Skills.enbek.kz پورتالىندا تىركەلۋ مەن جۇمىس ىستەۋدىڭ بارلىق ماسەلەلەرى بويىنشا ق ر ەڭبەكمينى «ەردو» ا ق جاۋاپتى قىزمەتكەرلەرىمەن بايلانىسۋدى سۇرايمىز:
- ايبۋلدينوۆا اينۇر، تەلەفون: 87172954317 (ءىش.405)، 87059873477، ەلەكتروندىق پوشتا: a.aibuldinova@enbek.kz؛
- كاپيتونوۆا دينارا، تەلەفوندار: 87172954317 (ءىش.405)، 87072503337، ەلەكتروندىق پوشتا: d.kapitonova@enbek.kz؛
- بيداحمەتوۆا ۆەنەرا، تەلەفوندار: 87172954317 (ءىش.405)، 87789302101، ەلەكتروندىق پوشتا: v.bidakhmetova@ enbek.kz.
