قازگيدرومەت: قازاقستاننىڭ كەي وبلىستارىندا قاتتى ىستىق، كەي جەرلەرىندە وتە قاتتى ىستىق بولادى
سولتۇستىك- باتىستا، سولتۇستىكتە قاتتى جاڭبىر كۇتىلەدى. كەي جەرلەردە نايزاعاي، بۇرشاق، داۋىل، ەكپىندى جەل، وڭتۇستىكتە، وڭتۇستىك- باتىستا شاڭدى داۋىل بولادى، دەپ حابارلايدى قازاقپارات «قازگيدرومەت» ر م ك- عا سىلتەمە جاساپ.
اتاپ ايتقاندا، اقمولا، اقتوبە، قوستاناي، تۇندە پاۆلودار وبلىستارىنىڭ كەي جەرلەرىندە نايزاعاي، بۇرشاق، داۋىل كۇتىلەدى، جەلدىڭ كۇشى - 15-20 م/س. قوستاناي وبلىسىندا جەلدىڭ ەكپىنى 25 م/س كۇشەيەدى. قىزىلوردا، ماڭعىستاۋ، اتىراۋ وبلىستارىنىڭ كەي جەرلەرىندە جەلدىڭ جىلدامدىعى 15-20 م/س ارتىپ، شاڭدى داۋىل كۇشەيەدى.
ماڭعىستاۋ، اتىراۋ وبلىستارىنىڭ كەي جەرلەرىندە نايزاعاي كۇتىلەدى. باتىس قازاقستان وبلىسىنىڭ كەي جەرلەرىندە نايزاعاي ويناپ، جەل 15-20 م/س كۇشەيەدى، كۇندىز كەي جەرلەردە داۋىل، بۇرشاق بولادى.
سولتۇستىك قازاقستان، قاراعاندى، شىعىس قازاقستان، كۇندىز جامبىل وبلىستارىنىڭ كەي جەرلەرىندە نايزاعاي كۇتىلەدى، جەلدىڭ ەكپىنى 15-25 م/س كۇشەيەدى.
كۇندىز الماتى، جامبىل، تۇركىستان وبلىستارىندا قاتتى ىستىق، كەي جەرلەرىندە وتە قاتتى ىستىق بولادى. ال قىزىلوردا وبلىسىنىڭ باسىم بولىگىندە وتە قاتتى ىستىق ساقتالادى.
كۇندىز ماڭعىستاۋ، اتىراۋ، شىعىس قازاقستان وبلىستارىندا، قاراعاندى، قوستاناي وبلىستارىنىڭ وڭتۇستىگىندە اپتاپ ىستىق ءالى دە جالعاسادى. سونداي-اق قىزىلوردا، تۇركىستان، ماڭعىستاۋ، اتىراۋ، جامبىل، اقتوبە، قوستاناي وبلىستارىنىڭ باسىم بولىگىندە، قاراعاندى، باتىس قازاقستان، الماتى وبلىستارىنىڭ كەي جەرلەرىندە توتەنشە ءورت ءقاۋپى ساقتالادى.
