ا ق ش ماماندارى ءۇندى شتامىن «ءولىم تۋدىراتىن ۆيرۋس» دەپ اتادى

ماسكەۋ. تاسس - قازاقپارات - دۇنيەجۇزىلىك دەنساۋلىق ساقتاۋ ۇيىمى «دەلتا» شتامى دەپ اتاعان كوروناۆيرۋستىڭ ۇندىلىك نۇسقاسىنىڭ سالدارى باسقا تۇرلەرگە قاراعاندا اۋىر بولۋى ابدەن مۇمكىن.

مۇنداي پىكىردى NBC تەلەارناسىنىڭ ەفيرىندە ا ق ش اللەرگيالىق جانە ينفەكسيالىق اۋرۋلار ۇلتتىق ينستيتۋتىنىڭ ديرەكتورى ەنتوني فاۋچي ءمالىم ەتتى، دەپ حابارلايدى قازاقپارات تاسس اقپارات اگەنتتىگىنە سىلتەمە جاساپ.

ونىڭ اتاپ وتۋىنشە، ۆيرۋستىڭ بۇل ءتۇرى الدەقايدا جۇقپالى بولۋى مۇمكىن.

«ول ادامنان ادامعا وڭاي جۇعادى»، - دەدى ەنتوني فاۋچي.

ەنتوني فاۋچي امەريكالىق زەرتتەۋشىلەر تانىسىپ وتكەن عىلىمي مالىمەتتەر بويىنشا، اتالعان شتامدى جۇقتىرعانداردى «اۋرۋحاناعا جاتقىزۋعا تۋرا كەلەتىن، ال كەي جاعدايلاردا ولىمگە اپاراتىن اۋىر دەرتكە اپاراتىندىقتان» «ءولىم تۋدىراتىن ۆيرۋس» ەكەنىن جەتكىزدى.

ماۋسىمنىڭ سوڭىندا ا ق ش- تىڭ اۋرۋلاردى قاداعالاۋ جانە الدىن الۋ فەدەرالدىق ورتالىقتارىنىڭ باسشىسى روشەل ۆالەنسكي امەريكالىق ماماندار دەلتا-شتامنىڭ زەرتتەپ جۇرگەنىن ءمالىم ەتتى.

ەسكە سالساق، «دەلتا» ياعني ءۇندى شتامى الەمنىڭ 100 گە جۋىق ەلىندە تىركەلدى. سونداي-اق، قازاقستاننىڭ بارلىق وڭىرىندە ءۇندى شتامى تابىلدى.