كوروناۆيرۋس: يندونەزيادا ينفەكسيا تارالۋىنىڭ رەكوردتىق سانى تىركەلدى
بۇل سەنبى كۇنى جۇزدەگەن ميلليون ادامنىڭ ۇيلەرىندە قالىپ، كوروناۆيرۋستىڭ تارالۋىن بولدىرماۋ ماقساتىندا قولدانىلعان شارا، دەپ حابارلايدى قازاقپارات Reuters اگەنتتىگىنە سىلتەمە جاساپ. كوروناۆيرۋستىڭ ازيادا ەڭ قاتتى ۋشىعۋىنا قارسى كۇرەس كەزەڭىندە الەمدە حالىق سانى جاعىنان ءتورتىنشى ورىندا تۇرعان ەلدە سوڭعى 12 كۇننىڭ ىشىندەگى سەگىزىندە ينفەكسيا تارالۋىنىڭ رەكوردتىق سانى تىركەلگەن. بۇل رەتتە جۇما كۇنى ۆيرۋسقا شالدىعۋدىڭ 25830 وقيعاسى مەن 539 ءولىم جاعدايى تىركەلگەن.
«ءبىز ادەتتە ادام ەڭ كوپ جينالاتىن 21 ورىنعا پاترۋل ورناتتىق»، - دەدى جۇما كۇنى كەشكە وتكەن باسپا ءسوز ءماسليحاتىندا يندونەزيا ۇلتتىق پوليتسياسىنىڭ باسشىسى يستيونو. پوليتسيا وكىلى جاڭا شەكتەۋلەردىڭ ساقتالۋىن قامتاماسىز ەتۋ ماقساتىندا 21 مىڭنان استام پوليتسەي مەن اسكەري قىزمەتكەرلەردىڭ يندونەزيانىڭ حالىق سانى ەڭ كوپ ياۆا ارالى مەن تۋريستىك كۋرورتتىق بالي ارالدارىن قورشاۋعا الاتىنىن ءمالىم ەتتى.
العاش رەت ءۇندىستاندا انىقتالعان Delta شتامى يندونەزيادا تەز تارالىپ جاتىر. ەلدە قاۋىپتى ۆيرۋسقا شالدىققاندار سانى 2,2 ميلليون ادام، ال ودان قايتىس بولعاندار سانى 59500 ادامنان اسقان.
