الماتىدا مەرەكە كۇندەرى قانداي مادەني شارالار وتەدى
مادەنيەت باسقارماسىنىڭ مالىمەتىنشە، كارانتينگە بايلانىستى كەيبىر نەگىزگى شارالار ونلاين رەجيمىندە وتەدى. سونىمەن قاتار، الماتىدا مەرەكەلىك وتشاشۋ بولمايدى.
2-شىلدە كۇنى الماتى مۋزەيىندە «التىن قازىق - استانا» كورمەسى (وففلاين/ونلاين) فورماتتا وتەدى. كورمەنىڭ ماقساتى: الماتىلىقتار مەن قالا قوناقتارىن ەلوردا قۇرىلىسى تاريحىنىڭ جەكەلەگەن ساتتەرىمەن تانىستىرۋ، تەك ءوز سالاسىندا تانىمال ماماندار ەسىمى مەن ەڭبەگىن حالىققا پاش ەتۋ، زاماناۋي قازاقستاندىق ساۋلەت ونەرىن ناسيحاتتاۋعا ۇلەس قوسۋ. كورمەدە نۇر-سۇلتان قالاسى ءۇشىن جاسالعان بىرەگەي نىسانداردىڭ يدەياسى تۋىنداعان ساتتەن جۇزەگە اسىرىلعانعا دەيىنگى كەزەڭدەرى گرافيكالىق فورماتتا ۇسىنىلادى.
سونىمەن قاتار، 5-شىلدە كۇنى د. ا. قونايەۆ مۋزەيى «ەل جۇرەگى - ەلوردا» تاقىرىبىندا فوتوكورمە (ونلاين) ۇيىمداستىرادى. شارا بارىسىندا مۋزەي قورىنداعى ەلوردامىز جايلى فوتوسۋرەتتەر مەن كىتاپتار كەلۋشىلەر نازارىنا ۇسىنىلادى. ماقساتى: ەلوردامىزدىڭ قالىپتاسۋ تاريحىن جاس ۇرپاققا فوتو- قۇجات ارقىلى ناسيحاتتاۋ، نۇر-سۇلتان قالاسىنىڭ كورىكتى جەرلەرىن تانىستىرۋ اقىلى قالا تىنىسىن كەڭىنەن سەزىندىرۋ.
5-شىلدە ساعات 18-30 دا «الاتاۋ» ءداستۇرلى ونەر تەاترى» ەلوردا كۇنىنە وراي «ەرتەگىدەگىدەي ەلوردا» اتتى كەشپەن تەاتردىڭ 4 - ماۋسىمىنىڭ شىمىلدىعىن جابادى. كەشتە ءداستۇرلى اندەرمەن قاتار ۇمىت بولىپ بارا جاتقان، كونە ءداستۇرلى ءان- جىرلار دا ورىندالادى. تەاتردىڭ تولىق شىعارماشىلىق توبى (70 كە جۋىق ارتيست) ونەر كورسەتەدى. سونداي-اق، بۇل كەشتە ءداستۇرلى ءان مەكتەبىنىڭ بەسەۋى دە قامتىلماق. الاتاۋ فولكلورلىق انسامبلى مەن مىڭ بۇرالعان بيشىلەر كەشتىڭ ءسانىن ودان ءارى ارلەندىرە تۇسەپەك.
6-شىلدە - س. مۇقانوۆ پەن ع. مۇسىرەپوۆتىڭ ادەبي- مەموريالدىق مۋزەي كەشەنى «استانا اجارى» كورمەسى (ونلاين) وتكىزەدى. ول جەردە ەلوردانىڭ سيمۆولى، استانانى اۋىستىرۋ تۋرالى ق ر پرەزيدەنتىنىڭ جارلىعى، ونىڭ مارتەبەسى تۋرالى ق ر زاڭى، استانا قالاسىنىڭ قازىرگى كەلبەتىمەن، جەتىستىكتەرىمەن تانىسۋعا بولادى. شارانىڭ ماقساتى- ەلىمىزگە دەگەن سۇيىسپەنشىلىك پەن قۇرمەتتى نىعايتۋ، قازاقستاننىڭ ءتۇرلى سالاداعى جەتىستىكتەرىنە ماقتانىشىن جانە جەكە تابىستارعا جەتۋگە دەگەن نيەتىن قالىپتاستىرۋ.
6-شىلدە كۇنى مۋلتيمەديالىق ءداستۇرلى مۋزىكا ورتالىعىندا «ەل تىرەگى - ەلوردا» (ونلاين) فورماتتا سەمينار وتەدى. جيىندا نۇر-سۇلتان قالاسىنىڭ تاريحى، مادەنيەتى، دامۋى جولى باياندالادى. ق ر تۇڭعىش پرەزيدەنتى ەلباسى نۇرسۇلتان نازاربايەۆتىڭ ەڭبەك جولى كورسەتىلەدى.
6-شىلدە ساعات 12.00، 14.00 حالىق ەرتەگىسى «ەر توستىك» (رەج.: ە. قابدىل) قويىلىمىنىڭ پرەمەراسى (وففلاين) كورسەتىلەدى.
6-شىلدە ساعات 18.00 «ارمان الەمى» ەرتەگىسى - Qazaq راديوسىنان مەرەكەلىك راديوسپەكتاكل (ونلاين) 5-8-شىلدە ارالىعىندا ورتالىقتاندىرىلعان كىتاپحانالار جۇيەسىندە ەلوردا كۇنىنە وراي كوپتەگەن تاقىرىپتىق كىتاپ كورمەلەرى ۇيىمداستىرىلادى.
قازاق مەملەكەتتىك سيركىندە 3-شىلدە مەن 15-تامىز ارالىعىندا تسيرك ءارتيسى، اتى اڭىزعا اينالعان قازاق بالۋانى قاجىمۇقان مۇڭايتپاسوۆتىڭ 150 جىلدىعىنا ارنالعان «HELLO CIRCUS» اتتى جاڭا باعدارلاماسى وتەدى.
ال 5-شىلدە ەلوردا كۇنىنە وراي قازاق مەملەكەتتىك سيركى مۇمكىندىگى شەكتەۋلى بالالارعا، بالالار ءۇيىنىڭ تاربيەلەنۋشىلەرىنە، ينتەرناتتار مەن از قامتىلعان وتباسىلاردىڭ بالالارىنا قايىرىمدىلىق قويىلىمىن وتكىزەدى.
اۆتور: الما مۇقانوۆا
