جاپونيا پرەمەر-ءمينيسترى: توكيوداعى وليمپيادا ويىندارى كورەرمەندەرسىز ءوتۋى مۇمكىن
«مەن بۇعان دەيىن دە كورەرمەندەردىڭ بولماۋى مۇمكىن ەكەنىن ايتقانمىن»، - دەدى پرەمەر-مينيستر جۋرناليستەرگە.
- قالاي بولعاندا دا، ءبىز جاپون حالقىنىڭ قاۋىپسىزدىگىن باستى مىندەتىمىز دەپ سانايمىز».
وتكەن ايدا وليمپيادانى ۇيىمداستىرۋشىلار 23- شىلدەدە باستالاتىن ويىنداردىڭ قاۋىپسىزدىگىن قامتاماسىز ەتۋ ماقساتىندا سىيىمدىلىعى 10000 ادامعا دەيىن بولاتىن نىسانداردى 50 پايىزعا دەيىن تولتىرۋدى ۇيعارعان ەدى.
الايدا توكيودا وتكەن ايدا كوروناۆيرۋسقا بايلانىستى توتەنشە جاعداي الىنىپ تاستالعان سوڭ ينفەكسيا كۇرت ارتتى. بۇل كوپ جانكۇيەر جينالاتىن ويىنداردى وتكىزۋگە بولا ما، جوق پا دەگەن كۇدىكتى قويۋلاتتى. بەيسەنبىدە توكيو ۇكىمەتى كوروناۆيرۋستىڭ 673 جاڭا جاعدايى تۋرالى حابارلادى، ونىڭ كۇندەلىكتى سانى 26- مامىردان باستاپ العاش رەت 700 دەن استى.
جۇقپالى اۋرۋلار جونىندەگى ساراپشىلار، ونىڭ ىشىندە پرەمەر-ءمينيستردىڭ باس كەڭەسشىسى COVID-19 ءمينيسترى سيگەرۋ ومي دە ويىنداردى كورەرمەندەرسىز وتكىزۋ «ەڭ قاۋىپسىزى» دەپ مالىمدەدى.
مينيسترلەر كابينەتى حاتشىلىعىنىڭ مالىمەتىنشە، بەيسەنبىدە گەرمانيا بوكس جانە قايىق جارىسى كوماندالارى، يرلانديا بوكس قۇراماسى جانە اۆستراليا فۋتبول كومانداسى بار، بارلىعى 100 دەن استام ادام كەلگەن. ال جەكسەنبىگە دەيىن ولاردىڭ قاتارى تاعى 400 گە جۋىق ادامعا تولىعادى دەپ جوسپارلانۋدا.
