قازاقستاندا دۇكەن سورەلەرىنەن تەمەكى الىنا باستادى
حالىق دەنساۋلىعى جانە دەنساۋلىق ساقتاۋ جۇيەسى تۋرالى كودەكستە جاڭا نورما كۇشىنە ەندى، - دەپ حابارلايدى Tengrinews.kz ءتىلشىسى.
جاڭا ەرەجەلەرگە سايكەس، قازاقستاندا تەمەكى بۇيىمدارىن، ونىڭ ىشىندە قىزدىرىلاتىن تەمەكىسى بار بۇيىمداردى، كاليانعا ارنالعان تەمەكىنى، كاليان قوسپاسىن، تەمەكىنى قىزدىرۋعا ارنالعان جۇيەلەردى، ەلەكترون تۇتىنۋ جۇيەلەرىن جانە ولارعا ارنالعان سۇيىقتىقتاردى اشىق كورسەتە وتىرىپ ساتۋعا تىيىم سالىنادى.
تەمەكى ونىمدەرى تۋرالى اقپارات دۇكەندەردە كولەمى 40x 30 سانتيمەتردەن اسپايتىن اق قاعازدا، قارا ءتۇستى بىردەي ارىپتەرمەن جانە ساتىلاتىن ءونىم ءتىزىمى مەن باعاسى ءالىپبي بويىنشا قانداي دا ءبىر گرافيكالىق بەينەلەر مەن سۋرەتتەردى پايدالانباي جازىلۋى ءتيىس.
ايتا كەتەيىك، قازاقستاندا ەلەكترون سيگارەتتەر، تەمەكى قىزدىرۋ جۇيەلەرى مەن كالياندار ادەتتەگى سيگارەتتەرگە تەڭەستىرىلگەن.
21 جاسقا تولماعان ادامدارعا تەمەكى ونىمدەرىن ساتىپ الۋعا تىيىم سالىنادى.
