نۇر-سۇلتاندا كارانتين تاعى دا كۇشەيتىلدى
نۇر-سۇلتانداعى ەپيدەميولوگيالىق جاعدايدىڭ كۇرت ناشارلاۋى سەبەپتى كارانتين تاعى دا كۇشەيتىلدى، دەپ حابارلايدى قازاقپارات.
ەلوردا اكىمدىگىنەن ءمالىم ەتكەندەي، سونداي-اق كارانتيندىك تالاپتاردىڭ ساقتالۋىن قاداعالايتىن مونيتورينگىلىك توپتاردىڭ جۇمىسى كۇشەيتىلىپ، تاۋلىك بويعى رەجيمگە اۋىستىرىلدى. ەگەر مەيرامحانالاردا/كافەلەردە جانە باسقا دا مەكەمەلەردە ءىس- شارالار وتكىزىلسە، ول نىساننىڭ جۇمىسى توقتاتىلاتىن بولادى.
سونىمەن قاتار، 4-شىلدەدەن باستاپ «Ashyq» جوباسى بويىنشا جۇمىس ىستەيتىن تاماقتانۋ ورىندارىنىڭ (مەيرامحانالار، كافەلەر) ۋاقىتى 02:00-دەن 22:00-گە دەيىن (جابىق جەرلەردە)، ال سىرتتا، ياعني ەسىك الدىندا جۇمىس ىستەيتىن تاماقتانۋ ورىندارىنىڭ ۋاقىتى 02:00-دەن 00:00-گە دەيىن قىسقارادى.
سونداي-اق، جەكسەنبى كۇندەرى قوعامدىق كولىكتىڭ جۇمىسى توقتاتىلادى. بۇل كۇنى اۆتوبۋستار دەزينفەكسيالانادى. «Ashyq» جوباسىن قولدانبايتىن فيتنەس- ورتالىقتاردىڭ (يوگا ورتالىقتارى، ت. ب. ) جۇمىسى اپتانىڭ بارلىق كۇنىندە دە توقتاتىلادى. ال Ashyq جوباسى بويىنشا ىستەيتىن فيتنەس-ورتالىقتار (يوگا ورتالىقتارى، ت. ب. ) دۇيسەنبى- جۇما كۇندەرى جۇمىس ىستەسە، دەمالىس كۇندەرى توقتاتىلادى. قالادا قاتاڭ كارانتيندىك شارالاردى ەنگىزبەس ءۇشىن ۇجىمدىق يممۋنيتەتتى دامىتۋ قاجەت. ال ۇجىمدىق يممۋنيتەتتىڭ ۇلەسى %60 اسۋى ءتيىس.
قازىر قالادا ۆاكسينانىڭ ءبىرىنشى كومپونەنتىن 229 مىڭنان استام ادام الدى. مەديتسينا قىزمەتكەرلەرىنىڭ %90 استامى، ال كوممۋنالدىق قىزمەتكەرلەردىڭ %70 استامى كوروناۆيرۋسقا قارسى ەگىلدى.
ەستەرىڭىزگە سالا كەتەيىك، 2-شىلدەدەن باستاپ قالانىڭ باس مەملەكەتتىك سانيتارلىق دارىگەرى سارحات بەيسەنوۆانىڭ ەلوردا كۇنىنە ارنالعان بۇقارالىق ءىس- شارالارعا تىيىم سالۋ تۋرالى قاۋلىسى كۇشىنە ەنەدى. جابىق مەكەمەلەردەگى ءىس-شارالاردىڭ بارىنە تىيىم سالىنادى (Ashyq جوباسىنىڭ ءتارتىبى بويىنشا تەاترلاردىڭ %20 دان اسپايتىن تولۋىن ەسەپكە الماعاندا).
سونداي-اق ساياباق اۋماعىندا ورنالاسقان اشىق اۋاداعى اتتراكسيونداردىڭ بارلىق ءتۇرىنىڭ جۇمىسىنا تىيىم سالىنادى.
