11:33, 01 - شىلدە 2021 | GMT +5
كيم چەن ىن ك ح د ر- دا «ۇلى داعدارىستىڭ» ورناعانىن مويىندادى
نۇر-سۇلتان.قازاقپارات -كيم چەن ىن العاش رەت سولتۇستىك كورەيادا كوروناۆيرۋسقا قاتىستى قيىندىقتار بارىن مويىندادى، دەپ حابارلايدى «حابار 24».
كورەيا جۇمىسشىلار پارتياسى ورتالىق كوميتەتىنىڭ ساياسي بيۋرو وتىرىسىندا ول شەنەۋنىكتەردى قاتاڭ سىنعا الدى. ايتۋىنشا، بيلىك وكىلدەرى ازاماتتاردى ىندەتتەن قاجەتتى دەڭگەيدە قورعاي الماعان. بۇل ەل اۋماعىندا «ۇلى داعدارىستىڭ» ورناۋىنا اكەلگەن. ءسويتىپ، وتىرىس بارىسىندا بىرنەشە ساياساتكەر وتستاۆكاعا كەتتى.
ايتا كەتەيىك، «رەيتەر» اگەنتتىگىنىڭ مالىمەتى بويىنشا پحەنيان دۇنيەجۇزىلىك دەنساۋلىق ساقتاۋ ۇيىمىنا ەلدەگى ەپيدەميولوگيالىق جاعداي تۋرالى ەشقانداي دەرەكتەردى بەرمەگەن.
www.24.kz
