شىلدە ايىنىڭ باسىندا قاتتى ىستىق بولادى - قازگيدرومەت

نۇر-سۇلتان. قازاقپارات - قازگيدرومەت 1-3-شىلدەدەگە ارنالعان اۋا رايى بولجامىن جاريالادى، دەپ حابارلايدى قازاقپارات.

يران اۋداندارىنان ىستىق جانە قۇرعاق اۋا ماسساسىنىڭ جىلجۋى، ەلدىڭ كوپ بولىگىندە وتە ىستىق اۋا رايىنىڭ ساقتالۋىنا اسەر ەتەدى. تەك رەسپۋبليكانىڭ باتىسىندا، سودان كەيىن سولتۇستىك- باتىسىندا تسيكلون شۇڭقىرىنىڭ كەلۋىمەن، نايزاعاي جارقىلداپ، قىسقا مەرزىمدى جاڭبىر، سونداي- اق بۇرشاق جاۋۋى مۇمكىن.

تۇندە تەرمومەترلەر سولتۇستىك، وڭتۇستىك جانە ورتالىقتا ℃12-25 جىلى، كۇندىزگى ℃30-44 ىستىق، شىعىستا تۇندە ℃12-20، كۇندىز 27-35 گرادۋس ال باتىستا تۇندە ℃15-26، كۇندىز 28-36 گرادۋس ىستىق بولادى.

ەسكە سالساق، توتەنشە جاعدايلار مينيسترلىگى قازاقستاندا اپتاپ ىستىق بولاتىندىعىن ەسكەرتكەن ەدى. ماماندار كۇننەن قالاي قورعانۋ كەرەكتىگىن ايتتى.