ءۇندىستاندا جارقاناتتاردان تاعى ءبىر قاۋىپتى ۆيرۋس انىقتالدى

نۇر-سۇلتان. قازاقپارات - پۋنا قالاسىنداعى ۇلتتىق ۆيرۋسولوگيا ينستيتۋتىنىڭ (NIV) عالىمدارى ءۇندىستاننىڭ باتىسىندا ماحاراشترا شتاتىندا جارقاناتتاردان Nipah قاۋىپتى ۆيرۋسىن انىقتادى، - دەپ حابارلايدى The Times of India.

زەرتتەۋشى، دارىگەر پراگيا ياداۆتىڭ سوزىنشە، بۇل ۆيرۋس تۇلكىلەر مەن تىشقانداردان انىقتالاتىن. دۇنيەجۇزىلىك دەنساۋلىق ساقتاۋ ۇيىمى ول دۇنيە جۇزىندەگى قاۋىپتى ۆيرۋس دەپ تانىعان.

باسىلىم مالىمەتىنشە، بۇگىندە بۇل ۆيرۋسقا قارسى ءدارى نە ۆاكسينا جوق. ءولىم دەڭگەيى 65-تەن 100 پايىزعا دەيىن.

ءۇندىستاننىڭ وزىندە Nipah ۆيرۋسىن جۇقتىرۋدىڭ ءتورت دەرەگى تىركەلگەن (2001، 2007، 2018 جانە 2019 -جىلدارى). بىلتىر ناۋرىزدان باستاپ عالىمدار ماحابالەشۆارا ۇڭگىرىندە جۇرگەن 80 تىشقاننىڭ ۇلگىسىن الىپ، Nipah-قا قارسى رنق جانە انتيدەنە انىقتاعان.