جانىبەك ءالىمحان ۇلى كاسىپقوي بوكستاعى ونىنشى جەڭىسىنە قول جەتكىزدى - ۆيدەو

نۇر-سۇلتان. قازاقپارات - قازاقستاندىق بىلعارى قولعاپ شەبەرى جانىبەك ءالىمحان ۇلى (9-0، 5 ك ىو) كاسىپقوي بوكستاعى ونىنشى جەكپە-جەگىن وتكىزدى، دەپ حابارلايدى قازاقپارات.

ا ق ش- تىڭ لاس- ۆەگاس قالاسىنداعى بوكس كەشىندە ول امەريكالىق روب برانتپەن (26-2, 18 كو) قولعاپ ءتۇيىستىردى. قارسىلاسى - WBA نۇسقاسى بويىنشا ورتا سالماقتا الەمنىڭ ەكس- چەمپيونى. بۇگىنگى جەكپە-جەك ون راۋندقا جوسپارلانعان ەدى.

دەگەنمەن سەگىزىنشى راۋندتان كەيىن روب برانت رينگكە شىعۋدان باس تارتتى. وسىلايشا قازاقستاندىق بوكسشى جەڭىسكە جەتتى. ايتا كەتەرلىگى، التىنشى راۋندتا ول قارسىلاسىن نوكداۋنعا ءتۇسىردى. جانىبەك ءالىمحان ۇلى ءوزىنىڭ كاسىبي بوكستاعى ونىنشى جەڭىسىنە قول جەتكىزدى.

ال روب برانت ءۇشىنشى مارتە جەڭىلىستىڭ اشى ءدامىن تاتىپ وتىر. اتالعان جەڭىستەن كەيىن قازاقستاندىق سپورتشى WBO الەم چەمپيونى تيتۋلىن قورعاۋعا جاقىنداي ءتۇستى. ول بۇعان دەيىن امەريكالىق دەمەتريۋس اندرادەنىڭ (30-0، 18 ك و) ەنشىسىنە بۇيىرعان ەدى.

اۆتور: ءادىلجان ۇمبەت