جانىبەك ءالىمحان ۇلى قارسىلاسى روب برانتپەن العاش رەت بەتپە-بەت كەزدەستى
بۇل ءالىمحان ۇلىنىڭ برانتپەن العاش رەت جۇزدەسۋى، دەپ حابارلايدى قازاقپارات.
جەكپە-جەك 27- ماۋسىم، جەكسەنبى كۇنى، تاڭەرتەڭ لاس-ۆەگاستا (ا ق ش، نيەۆادا شتاتى) وتەدى.
كەشتىڭ باستى وقيعاسى ۋكراينالىق ۆاسيلي لوماچەنكو (14-2، 10 ك و) مەن جاپون بوكسشىسى ماساەسي ناكاتاني (19-1، 13 ك و) اراسىنداعى ايقاس بولماق.
جانىبەك ءالىمحان ۇلى بۇعان دەيىنگى سوڭعى جەكپە-جەگىن وتكەن جىلدىڭ قازان ايىندا وتكىزىپ، ارگەنتينالىق گونسالو كوريانى (16-4، 6 ك و) ەكىنشى راۋندتا نوكاۋتقا جىبەرگەن ەدى.
ال روب برانت 2020-جىلدىڭ تامىزىندا رينگكە شىعىپ، ۋكراينالىق بوكسشى ۆيتالي كوپىلەنكونى (28-3، 16 ك و) بەسىنشى راۋندتا مەرزىمىنەن بۇرىن جەڭدى.
ايتا كەتەيىك، ءالىمحان ۇلى-برانت كەزدەسۋىنىڭ تىكەلەي ترانسلياتسياسى نۇر-سۇلتان ۋاقىتى بويىنشا ساعات 08:00 دە باستالادى جانە «حابار» تەلەارناسىنان كورسەتىلەدى.
بۇعان دەيىن قازاقستاندىق بوكسشىنىڭ وسى ايقاس الدىندا كوروناۆيرۋسقا تەست تاپسىرعانىن جازعان بولاتىنبىز.
جانىبەكتىڭ ايتۋىنشا، ول ۆەگاستا بوكستىڭ قازاق مانەرىن كورسەتەتىن بولادى.
