قىتايدا نۇرسۇلتان نازاربايەۆ اتىنداعى عىلىمي- يننوۆاتسيالىق زەرتحانا اشىلدى

بۇل تۋرالى ق ر سىرتقى ىستەر مينيسترلىگىنەن ءمالىم ەتتى، دەپ حابارلايدى قازاقپارات.

زەرتحاننانىڭ قۇرىلتايشىلارى - «G- Global» حالىقارالىق حاتشىلىعى جانە ونىڭ ق ح ر- داعى ستراتەگيالىق سەرىكتەسى «China Silk Road Group» كومپانياسى. ءىس- شاراعا نانكين قالاسى «تسزيانبەي» جاڭا اۋدانى اكىمشىلىگىنىڭ جانە بەيجىڭ قالاسى «جۋنگۋانتسۋن» عىلىمي- تەحنولوگيالىق پاركىنىڭ وكىلدەرى، قازاقستاننىڭ ق ح ر- داعى ەلشىلىگىنىڭ ديپلوماتتارى، سونداي- اق قىتايلىق ب ا ق تىلشىلەرى قاتىستى.

«زەرتحانانىڭ نەگىزگى مىندەتى اۋقىمدى زەرتتەۋلەردى، ونىڭ ىشىندە زاماناۋي «بلوكچەين» تەحنولوگيالارىن، جاساندى ينتەللەكت پەن «ۇلكەن دەرەكتەردى» پايدالانا وتىرىپ جۇزەگە اسىرۋ ارقىلى قىتايلىق «ءبىر بەلدەۋ، ءبىر جول» باستاماسى جانە قازاقستاندىق «نۇرلى جول» مەملەكەتتىك باعدارلاماسى شەڭبەرىندە جوبالاردى ىلگەرىلەتۋ، سونداي- اق عىلىمي سۇيەمەلدەۋگە پراكتيكالىق جاردەمدەسۋ بولىپ تابىلادى. بۇل جۇمىسقا ەكى ەلدىڭ جەتەكشى عالىمدارى مەن پراكتيكتەرى بەلسەندى تۇردە تارتىلادى»، - دەلىنگەن ءس ءى م اقپاراتىندا.

«G- Global» حالىقارالىق حاتشىلىعى 2019 -جىلدان باستاپ «ءبىر بەلدەۋ، ءبىر جول» باستاماسى سەرىكتەستەرىنىڭ قۇرامىنا كىرەدى. ونىڭ «جىبەك جولى» جاھاندىق سىيلىعى جانە «جاھاندىق جىبەك جولى - قالا اكىمدەرىنىڭ فورۋمى» سياقتى جوبالارىن «ءبىر بەلدەۋ، ءبىر جول» باستاماسىنىڭ 2- فورۋمىنىڭ قاتىسۋشىلارى تاراپىنان قولداۋ تاۋىپ، قورىتىندى قۇجاتىنىڭ ماتىنىنە ەنگىزىلدى.