نايزاعاي تۋرالى قىزىق دەرەكتەر

بۇل تابيعي قۇبىلىس تۋرالى العاشقى اقپارات 1750 -جىلى پايدا بولدى. بۇلتتا زارياد قالاي پايدا بولادى، نايزاعاي كەزىندە گامما نەمەسە كۆانتتار نەگە تارالادى - بۇل سۇراقتارعا ءالى جاۋاپ جوق. نازارىڭىزعا نايزاعاي تۋرالى قىزىقتى دەرەكتەردى ۇسىنامىز.

♦ نايزاعايدىڭ ورتاشا ۇزىندىعى ون شاقىرىمعا جۋىقتايدى؛

♦ نايزاعاي تەمپەراتۋراسى كۇن بەتىندەگى تەمپەراتۋرادان بەس ەسە جوعارى بولۋى مۇمكىن. سەبەبى، ونىڭ ەڭ جوعارعى جىلۋى سەلسي بويىنشا 27771 گرادۋس؛

♦ بارلىق ەجەلگى مادەنيەتتەردە نايزاعاي كۇشتىڭ، جىلدامدىقتىڭ، قوزعالىستىڭ بەلگىسى جانە اسپان مەن جەرگە قىزمەت ەتكەن جىگەردىڭ بەلگىسى بولىپ ەسەپتەلگەن. نايزاعاي تۇسكەن جەرلەر قاسيەتتى دەپ سانالدى؛

♦ ءبىر قىزىعى، گرەكتەر تەڭىزگە نايزاعاي تۇسسە تەڭىز مارجانى كوبەيەدى دەپ سەنگەن؛

♦ اتستەكتەردە نايزاعاي جەردى تەسىپ ءوتىپ، ولگەندەردى قورعايدى دەپ ويلاعان؛

♦ ادام پايدالانعان العاشقى اينەك بولىكتەرى نايزاعايدىڭ جەرگە تۇسۋىنەن پايدا بولدى. ونى «فۋلگۋر» دەپ اتالادى؛

♦ نايزاعاي تۇسكەن ۇشاقتارعا دا تۇسكەن؛

♦ نايزاعاي ءبىر تۇسكەن ورنىنا ەكى نەمەسە ءتىپتى ءۇش رەت تۇسەدى؛

♦ نايزاعاي اركتيكا مەن انتاركتيدادا وتە سيرەك كەزدەسەدى. ورتاشا ستاتيستيكا كورسەتكەندەي، جىلىنا ءبىر شارشى كيلومەتر جەرگە 2-3 نايزاعاي تۇسەدى؛

♦ ستاتيستيكاعا سۇيەنسەك، نايزاعاي مەن توسەكتەن قۇلاپ ءولۋ ىقتيمالدىعى شامامەن تەڭ؛

♦ نايزاعاي ەكى ميلليون ادامنىڭ بىرىنە عانا تۇسەدى؛

♦ ۋگانداداعى تورورو قالاسىندا جىلىنا 250 كۇندەي نايزاعاي وينايدى؛

♦ امەريكالىق روي سالليۆان نايزاعايدان 7 رەت امان قالدى؛

♦ 1998 -جىلى كونگو دەموكراتيالىق رەسپۋبليكاسىنداعى فۋتبول الاڭىنا نايزاعاي ءتۇسىپ، بۇكىل كوماندا - 11 ادام قازا تاپتى. سپورتشىلاردىڭ جاسى 20 مەن 35 جاس ارالىعىندا بولعان. ءبىر تاڭقالارلىعى، قارسىلاس كوماندادان ەشكىم زارداپ شەككەن جوق.

massaget.kz