كوروناۆيرۋس: قوستاناي وبلىسى «سارى» ايماقتان «جاسىلعا» ءوتتى
نۇر-سۇلتان. قازاقپارات - 6- ماۋسىمداعى جاعداي بويىنشا قازاقستان وڭىرلەرىندەگى ەپيدەميولوگيالىق احۋالدى باعالاۋ ماتريتساسى جاريالاندى، دەپ حابارلايدى قازاقپارات ق ر ۇكىمەتى جانىنداعى قازاقستاندا كوروناۆيرۋستىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ Telegram پاراقشاسىنا سىلتەمە جاساپ.
«قىزىل» ايماقتا: نۇر-سۇلتان قالاسى، قاراعاندى وبلىسى.
«سارى» ايماقتا: الماتى قالاسى، اقمولا، اتىراۋ، باتىس قازاقستان جانە پاۆلودار وبلىستارى.
«جاسىل» ايماقتا: شىمكەنت قالاسى، الماتى، اقتوبە، جامبىل، قوستاناي، قىزىلوردا، ماڭعىستاۋ، شىعىس قازاقستان، سولتۇستىك قازاقستان جانە تۇركىستان وبلىستارى.
قازاقستان رەسپۋبليكاسى «سارى» ايماقتا تۇر.
