قارجى پيراميدالارى بلوكچەيننىڭ اتىن جامىلا باستادى - قازاقستاندىقتارعا ەسكەرتۋ جاسالدى
سايتتىڭ جازۋىنشا، قارجى پيراميدالارى تەگىن وقىتۋ كۋرستارىن ۇسىنۋعا كوشكەن. بۇعان دەيىن ولار كوبىنەسە زاڭمەن تىيىم سالىنباعان جەلىلىك ماركەتينگتىڭ، تۇتىنۋ كووپەراتيۆتەرى مەن كراۋدفاندينگ پلاتفورمالارىنىڭ، Forex ءتىڭ اتىن جامىلىپ جۇمىس ىستەيتىن.
«كوپ جاعدايدا مۇنداي ۇيىمدار قازاقستاندا تىركەلمەگەن. كەرىسىنشە، كوپتەگەن الاياقتىق سحەمالار وزدەرىنىڭ شەتەلدە تىركەلۋىن ارتىقشىلىق ەتىپ كورسەتۋگە تىرىسادى. باس پروكۋراتۋرانىڭ دەرەكتەرى بويىنشا سوڭعى بەس جىلدا مۇنداي فاكتىلەر - 619، ال وتكەن ءبىر جىلدا - 181 بولعان. كەيىنگى كەزدە قوسىمشا قۇزىرەتتەر مەن تەگىن ءبىلىم ۇسىناتىن ۇيىمدار تانىمال بولىپ تۇر. وزدەرىن بلوكچەين تەحنولوگيالارى مەن ورتالىقتاندىرىلماعان قارجى تۋرالى ءبىلىم بەرۋ ورتالىقتارى رەتىندە كورسەتەتىن ۇيىمدار ءوز قىزمەتىن بەلسەندى تۇردە جارنامالاپ ءجۇر. ولار قارجىلىق تەحنولوگيالار مەن قۇرالدارعا، نەگىزىنەن، تەگىن ينۆەستيتسيالاۋ بويىنشا وقىتۋ باعدارلامالارىن «جۇرگىزەدى». وقۋدان وتكەننەن كەيىن كليەنتكە ءوز قاراجاتىن وقىتۋ ورتالىعى ازىرلەگەن ترەيدينگتىك پلاتفورماعا ورنالاستىرۋ ۇسىنىلادى»، - دەپ سيپاتتايدى Fingramota.kz.
اقپاراتتىق رەسۋرس الەۋمەتتىك جەلىلەر ارقىلى ءوز قىزمەتتەرىن بەلسەندى تۇردە جارنامالاپ جۇرگەن MarketPeak ۇيىمىنان ساق بولۋدى كەرەكتىگىن ەسكەرتەدى.
«كومپانيا ب ا ءا- دە تىركەلگەن. دەگەنمەن، قازاقستانداعى قارجىلىق رەتتەۋشىنىڭ سايتىندا بۇل كومپانياعا ليتسەنزيا بەرۋ تۋرالى اقپارات جوق. ياعني، ونىڭ ق ر اۋماعىندا قارجىلىق قىزمەتكە ليتسەنزياسى نەمەسە وزگە دە رۇقسات قۇجاتتارى جوق. قارجى ۇيىمى رەتىندە تىركەلمەگەندىكتەن، بولىمشەلەرى بولۋ مۇمكىن ەمەس. اقشا تاراتىپ، قارجىلىق قىزمەتتەر كورسەتۋگە، ونىڭ ىشىندە قازاقستاننىڭ باعالى قاعازدار نارىعىندا جۇمىس ىستەۋگە قۇقىعى جوق»، - دەيدى اۆتور.
سايتتىڭ مالىمەتى بويىنشا، تەگىن وقىتۋدى وتكىزگەننەن كەيىن MarketPeak كومپانياسى ازاماتتارعا نارىقتىق قۇرالدارعا ەمەس، جەكە ترەيدينگتىك پلاتفورماعا ينۆەستيتسيا سالۋدى ۇسىنادى. وسىلايشا كىرىستىلىك شەتەل ۆاليۋتاسىندا ايىنا %20 دان %30 عا دەيىن دەگەن اقپاراتپەن الداندىرادى. «الايدا، كومپانياعا سالعان قاراجاتتىڭ قايتاتىنىنا ەشقانداي كەپىلدىك جوق»، - دەپ جازىلعان ماتەريالدا.
