14:55, 02 - ماۋسىم 2021 | GMT +5
مەملەكەت باسشىسى شاحماتشى جانسايا ابدىمالىكتى فيدە گران- پريىندەگى جەڭىسىمەن قۇتتىقتادى
نۇر- سۇلتان. قازاقپارات - مەملەكەت باسشىسى قاسىم- جومارت توقايەۆ شاحماتشى جانسايا ابدىمالىكتى فيدە گران- پريىندەگى تاماشا جەڭىسىمەن قۇتتىقتادى.
بۇل تۋرالى ق ر پرەزيدەنتىنىڭ باسپا ءسوز حاتشىسى بەرىك ءۋالي Facebook-تەگى پاراقشاسىندا جازدى، دەپ حابارلايدى قازاقپارات.
«مەملەكەت باسشىسى جانسايا ابدىمالىكتى فيدە گران- پريىندەگى تاماشا جەڭىسىمەن قۇتتىقتادى. قاسىم- جومارت توقايەۆ بۇل جەڭىستىڭ بارشامىز ءۇشىن زور ماقتانىش ەكەنىن ايتتى. جانسايا - ەرلەر اراسىنداعى گروسسمەيستەر اتاعىنا قول جەتكىزگەن تۇڭعىش قازاقستاندىق شاحماتشى قىز. ونىڭ جەتىستىگى ەلىمىزدە وسى سپورتتىڭ دامۋىنا تىڭ سەرپىن بەرەرى ءسوزسىز»، دەلىنگەن جازبادا.
ەسكە سالا كەتسەك، شاحماتشى جانسايا ابدىمالىك ەرلەر اراسىنداعى حالىقارالىق گروسسمەيستەر اتاندى. 22 -مامىر مەن 2 -ماۋسىم ارالىعىندا ءوتىپ جاتقان ايەلدەر اراسىنداعى فيدە گران-پريىنىڭ اقتىق كەزەڭىندە جاقسى ناتيجە كورسەتكەنى ءۇشىن وسىنداي اتاققا يە بولدى.
