ەلوردادا ۇلەسكەرلەردىڭ اقشاسىن قابىلداۋعا قۇقىعى جوق قۇرىلىس كومپانيالارىنىڭ ءتىزىمى جاسالدى

نۇر- سۇلتان. قازاقپارات - ۇلەسكەرلەردىڭ اقشاسىن قابىلداۋعا ءتيىستى رۇقساتى جوق قۇرىلىس ۇيىمدارىنىڭ ءتىزىمى جاسالدى، دەپ حابارلايدى ەلوردا اكىمدىگىنىڭ رەسمي سايتى.

قولدانىستاعى زاڭنامانى اتتاپ ءوتىپ جاسالعان بارلىق مامىلەلەر، ونىڭ ىشىندە الدىن الا برونداۋ شارتى، رەزەرۆتەۋ شارتى، ينۆەستيتسيالاۋ شارتى، تالاپ ەتۋ قۇقىعىن باسقاعا بەرۋ شارتى، تومەندە كورسەتىلگەن كوپپاتەرلى تۇرعىن ءۇي كەشەندەرىنە جارامسىز بولىپ سانالادى. نۇر- سۇلتان قالاسىنىڭ اكىمدىگى تۇرعىنداردىڭ ءوز اقشاسىنا ساق بولۋىن جانە رۇقسات قۇجاتتارى بولماعان جاعدايدا تۇرعىن ءۇي ساتىپ الۋدان باس تارتۋ كەرەكتىگىن ەسكەرتەدى.

«تۇرعىن ءۇي قۇرىلىسىنا ۇلەستىك قاتىسۋ تۋرالى» قازاقستان رەسپۋبليكاسىنىڭ زاڭناماسىندا كورسەتىلگەندەي، ۇلەسكەرلەردىڭ قاراجاتىن ءتيىستى رۇقساتسىز قابىلداۋعا تىيىم سالىنادى. بۇل رەتتە قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 320-بابى، سونداي- اق قازاقستان رەسپۋبليكاسى قىلمىستىق كودەكسىنىڭ 214-بابى بويىنشا كاسىپكەرلىك قىزمەتتىڭ تىيىم سالىنعان تۇرلەرىمەن اينالىسقانى ءۇشىن جاۋاپكەرشىلىككە تارتىلادى. تۋىنداعان سۇراقتار بويىنشا «نۇر- سۇلتان قالالىق ورتا ساپاسى جانە باقىلاۋ باسقارماسى» م م- گە، ياعني سارىارقا اۋدانى، بەيبىتشىلىك كوشەسى 8 -مەكەنجايىنا جۇگىنۋگە بولادى.

اقپاراتتى تەلەفون ارقىلى دا الۋعا بولادى: 87172550428، 550430. ۇلەسكەرلەردىڭ اقشاسىن قابىلداۋعا قۇقىعى جوق قۇرىلىس سالۋشىلاردىڭ ءتىزىمى تومەندە كورسەتىلگەن.