شىمكەنت تۇرعىنى تارازدان ماشينا ايداپ اكەتىپ، ونى بولشەكتەپ ساتىپ جىبەرگەن

تاراز. قازاقپارات - شىمكەنتتىك كولىك ايداپ اكەتۋشىنىڭ ارەكەتىن جامبىلدىق ءتارتىپ ساقشىلارى اشكەرەلەدى، دەپ حابارلايدى قازاقپارات ءتىلشىسى.

جامبىل وبلىسى پوليتسيا دەپارتامەنتىنىڭ باسپا ءسوز قىزمەتىنىڭ حابارلاۋىنشا، تاراز قالاسىنىڭ پوليسيا باسقارماسى جەدەل باسقارۋ ورتالىعىنا 31 جاستاعى وبلىس ورتالىعىنىڭ تۇرعىنى اۆتوكولىك ۇرلانعانى تۋرالى ارىز تۇسىرەدى.

«تاراز تۇرعىنىنىڭ «ۆاز-2114» اۆتوكولىگى تۇندە قالانىڭ ءبىر شاعىن اۋداندارىنىڭ بىرىندە تۇراققا قويىلعان، - دەدى قۇقىق قورعاۋ ۆەدومستۆوسىنان. - جەدەل- ىزدەستىرۋ شارالارىن جۇرگىزۋ بارىسىندا 24 جاستاعى شىمكەنت قالاسىنىڭ تۇرعىنى انىقتالىپ، ۇستالعان. كۇدىكتى قىلمىسىن مويىنداپ، ۇرلانعان اۆتوكولىكتى قوسالقى بولشەكتەرگە ساتقانىن ايتىپ بەردى».

اتالمىش فاكتى بويىنشا قازاقستان رەسپۋبليكاسى قىلمىستىق كودەكسىنىڭ 188-بابىنا ساي سوتالدى تەرگەۋ جۇرگىزىلۋدە، دەپ ناقتىلادى جامبىل وبلىسى پوليتسيا دەپارتامەنتىنىڭ باسپا ءسوز قىزمەتىنەن.