الماتىدا الداعى ءۇش كۇن ىستىق بولادى

الماتى. قازاقپارات - «قازگيدرومەت» ماماندارى الداعى كۇنگە ارنالعان اۋا رايى بولجامىن جاريالادى، دەپ حابارلايدى قازاقپارات ءتىلشىسى.

قازاقستان تەرريتورياسىنىڭ باسىم بولىگىندە باتىس انتيسيكلونىمەن جاۋىن-شاشىنسىز اۋا رايى ساقتالادى. سينوپتيكتەردىڭ بولجامى بويىنشا، قازاقستاننىڭ كوپتەگەن ايماعىندا كۇن ىسيدى.

«ەلدىڭ باتىسىندا كۇن 39 ° س دەيىن ىسيدى. وڭتۇستىك جانە شىعىس قازاقستاندا اۋا تەمپەراتۋراسى 40 ° س دەيىن كوتەرىلەدى»، - دەپ حابارلادى «قازگيدرومەت» ر م ك.

الماتىدا الداعى ءۇش كۇندە كوشپەلى بۇلت شىعادى. اۋا تەمپەراتۋراسى تۇندە 16-18 -جىلى، كۇندىز 32 ° س ىستىق بولادى.

كۇندىز قىزىلوردا، اتىراۋ، باتىس قازاقستان، اقتوبە، قوستاناي، اقمولا، سولتۇستىك قازاقستان، پاۆلودار، قاراعاندى وبلىستارىندا قاتتى ىستىق كۇتىلەدى.

قىزىلوردا، اقتوبە، وبلىستارىنىڭ باسىم بولىگىندە، شىعىس قازاقستان وبلىسىنىڭ كەي جەرلەرىندە، الماتى، جامبىل، اتىراۋ، قوستاناي، پاۆلودار، قاراعاندى وبلىستارىنىڭ جەكەلەگەن اۋداندارىندا وتە جوعارى ءورت قاۋپى كۇتىلەدى.