تالدىقورعاندا كولىك اپاتىنا تۇسكەن وقۋشىلاردىڭ جاعدايى بەلگىلى بولدى

تالدىقورعان. قازاقپارات - تالدىقورعاندا كولىك اپاتىنا تۇسكەن وقۋشىلاردىڭ جاعدايى ورتاشا اۋىر، - دەپ حابارلايدى قازاقپارات ءتىلشىسى.

وقۋشىلاردىڭ ءبىرىنىڭ جاق سۇيەگى سىنعان.

«اۋرۋحاناعا تۇسكەن بەس وقۋشى جابىق باس مي جاراقاتىن العان. ميى شايقالعان. ءتۇرلى دەنە سوققىسى بار. وقۋشىنىڭ ءبىرى ىشىنەن جاراقات السا، ەندى ءبىرىنىڭ جاق سۇيەگى سىنعان. بارلىق بەس ناۋقاستىڭ جاعدايى ورتاشا اۋىر»، - دەدى الماتى وبلىستىق دەنساۋلىق ساقتاۋ باسقارماسىنداعى باسپا ءسوز قىزمەتىنىڭ وكىلى ءلايلىم اۋباكىروۆا.

سونىمەن قاتار، وسى كولىك اپاتىندا وقۋشىلاردان بولەك تاعى ءۇش ادام زارداپ شەككەن بولاتىن. «تالدىقورعان قالاسىنداعى كوپسالالى اۋرۋحاناعا جاراقات العان 1964، 1997 جانە 1995 -جىلعى ناۋقاستار كەلىپ ءتۇستى. 1995 -جىلعى ادام دەنەسىنەن ءتۇرلى دارەجەدەگى سوققى العان. 1964 -جىلعى ادامنىڭ يىعى سىنعان. 1997 -جىلعى ناۋقاستىڭ مۇرنى سىنعان. جاعدايلارى قاناعاتتانارلىق»، - دەپ تولىقتىردى ءلايلىم اۋباكىروۆا.

ەستەرىڭىزگە سالا كەتەيىك، تالدىقورعاندا وقۋشىلاردى تاسىمالداعان اۆتوبۋس كولىك اپاتىنا ءتۇسىپ، بەس بالا زارداپ شەككەنىن حابارلاعان بولاتىنبىز . ولاردىڭ بارلىعى 8 بەن 16 جاستاعى بالالار.

اۆتور: سامال قابىشەۆا